Day: February 11, 2020

[ Zawgyi + Unicode ]

ဤကိုယ်ခန္ဓာ
မရဏာနုဿတိဘာဝနာ ပွားကြပါစို့။

သူက-ငါက ဤကာယကို
လှတယ်-ယဉ်တယ် ချစ်စဖွယ်ဟု
ဘယ်သို့ ဘယ်ဝါ ဖွဲ့နွှဲ့ပါလည်း
ဤကာယအိုး အတွင်းဆိုးကို
တစ်မျိုးပြီးလျှင် တစ်မျိုးဆင်လျှက်
နေ့စဉ်ခဏ ရွံဖွယ်ပြခဲ့။

အာဟာရဟင်း ထမင်းတစ်သွယ်
ဖွယ်ဖွယ်ရာရာ ပြင်ကာမျိုကြ ဝမ်းထဲကျသော်
သလိပ်ကနှော တံထွေးရောလျက်
အဟောသိစစ် မစင်ဖြစ်၍
ညစ်ညမ်းယုတ်စွာ အပုပ်သာလျှင်
ထုတ်ကာထွက်ကျ နေ့စဉ်ပြ၏။

ဒွါရကိုးပါး ကိုယ်တံခါးမှ
အားထားဖွယ်ရာ ဘာတစ်ခုမျှ ရှာမရဘဲ
ခဏခဏ စီးကျထုတ်လာ
အပုပ်သာတည်း။

သာယာဖွယ်များ ရှိလိမ့်လားဟု
အားထားရေးယူ ရှာလေမူလည်း
အူလိပ်ခွေခွေ သလိပ်တွေနှင့်
သည်းခြေ-အသည်း သလိပ်ခဲပြင်
အတွဲနှစ်လုံး အသုံးမကျ အသုဘသာ
တွေ့ရပါ၏။

ဝါဝါရွှေရွှေ အရေပြားဖြင့်
ရွှေသားလိုလို အထင်ပိုလည်း
ဤကိုယ်ကာယ ရပ်ဌာနမှ ထလာပေါက်လာ
အနာလီလီ ပြည်တစ်စိုစို
သွေးတွေယိုလျှက် ပုပ်သာထွက်ခဲ့။

ရက်ဆက်နေ့စဉ် ပြင်ဆင်၍သာ မသိသာခဲ့
ဗလာပစ်ထား မလေးစားသော်
နံကာဟောင်ကာ ညှီပုပ်လာ၍
ဆင်းမှာဆုတ်ယုတ် ပုပ်သဘာဝ ရုပ်ကာယက
ပြသဟုတ်စွာ သရုပ်ပါလိမ့်
အနာကညှင်း ဇရာပင်းလျက် အဆင်းညှိုးချေ
အရေတွန့်လျှက် အားတွေပျက်၍
မသက်မသာ ပျက်ခန္ဓာတည်း။

တဏှာမာန သဘာဝဖြင့်
ငါ့ကိုယ် ငါ့ကိုယ် တစ်ဆိုဆိုလျှင်
ကိုယ်ကိုယုယ ပြုစုကြလည်း
ကမ္မဇရုပ် စိတ်ကချုပ်လျှက်
သေမင်းလက်တွင် အသက်ငင်သော်
မြေတွင်မြှုပ်ကြ စွန့်ပစ်ကြသည့်
ဓမ္မတံထွာ ဆင်ခြင်ပါသော်
ဘယ်မှာ ငါ့ကိုယ်ရှိပါလိမ့်။ ။

မရဏာနုဿတိဘာဝနာ ပွားကြပါစို့။

မရဏံ မေ ဘဝိဿတိ
ဇီဝိတံ မေ နိရုဇ္ဈိဿတိ၊
နိယတံ မရဏံ မေ’ တိ
ဘာဝမေိ မရဏဿတိံ။

မေ – ရုပ်နာမ်နှစ်ဖြာ ဤခန္ဓာကို
သည်ကာပိုးထုပ် အကျွန်ုပ်၏။
မရဏံ – စုတိပျက်ကြွေ
အခြေပယွင်း သေရခြင်းသည်။
ဘဝိဿတိ – ဘယ်ရွေ့နေရ ဘယ်နေ့သေရ
ဘယ်မျှမသိ သေရမည့်အရေး
ပြေးမလွတ်သာ ဖြစ်လိမ့်မည်
ဧကန်သာတည်း။

မေ – တစ်ဘဝသာ ခဏတာမျှ
နေရမည်ဖြစ်သော အကျွန်ုပ်၏။
ဇီဝိတံ – ရုပ်နာမ်နှစ်ချက် ဇီဝသက်သည်။
နိရုဇ္ဈိဿတိ – တစ်နေ့ကျတော့ ချုပ်ရမည်ဧကန်
အမှန်ပင် ဖြစ်ပါတော့သတည်း။

သပြေကန်ဆရာတော်ဘုရားကြီး ရေးသားသော
မရဏာနုဿတိကထာ မှ ကောက်နှုတ်ချက်။
ဦးဓမ္မသာရ(ဆေးသဲ့တောင်)ပူဇော်ပါသည်။

ဤကိုယ်ခန္ဓာ
မရဏာနုဿတိဘာဝနာ ပွားကြပါစို့။

သူက-ငါက ဤကာယကို
လှတယ်-ယဉ်တယ် ချစ်စဖွယ်ဟု
ဘယ်သို့ ဘယ်ဝါ ဖွဲ့နွှဲ့ပါလည်း
ဤကာယအိုး အတွင်းဆိုးကို
တစ်မျိုးပြီးလျှင် တစ်မျိုးဆင်လျှက်
နေ့စဉ်ခဏ ရွံဖွယ်ပြခဲ့။

အာဟာရဟင်း ထမင်းတစ်သွယ်
ဖွယ်ဖွယ်ရာရာ ပြင်ကာမျိုကြ ဝမ်းထဲကျသော်
သလိပ်ကနှော တံထွေးရောလျက်
အဟောသိစစ် မစင်ဖြစ်၍
ညစ်ညမ်းယုတ်စွာ အပုပ်သာလျှင်
ထုတ်ကာထွက်ကျ နေ့စဉ်ပြ၏။

ဒွါရကိုးပါး ကိုယ်တံခါးမှ
အားထားဖွယ်ရာ ဘာတစ်ခုမျှ ရှာမရဘဲ
ခဏခဏ စီးကျထုတ်လာ
အပုပ်သာတည်း။

သာယာဖွယ်များ ရှိလိမ့်လားဟု
အားထားရေးယူ ရှာလေမူလည်း
အူလိပ်ခွေခွေ သလိပ်တွေနှင့်
သည်းခြေ-အသည်း သလိပ်ခဲပြင်
အတွဲနှစ်လုံး အသုံးမကျ အသုဘသာ
တွေ့ရပါ၏။

ဝါဝါရွှေရွှေ အရေပြားဖြင့်
ရွှေသားလိုလို အထင်ပိုလည်း
ဤကိုယ်ကာယ ရပ်ဌာနမှ ထလာပေါက်လာ
အနာလီလီ ပြည်တစ်စိုစို
သွေးတွေယိုလျှက် ပုပ်သာထွက်ခဲ့။

ရက်ဆက်နေ့စဉ် ပြင်ဆင်၍သာ မသိသာခဲ့
ဗလာပစ်ထား မလေးစားသော်
နံကာဟောင်ကာ ညှီပုပ်လာ၍
ဆင်းမှာဆုတ်ယုတ် ပုပ်သဘာဝ ရုပ်ကာယက
ပြသဟုတ်စွာ သရုပ်ပါလိမ့်
အနာကညှင်း ဇရာပင်းလျက် အဆင်းညှိုးချေ
အရေတွန့်လျှက် အားတွေပျက်၍
မသက်မသာ ပျက်ခန္ဓာတည်း။

တဏှာမာန သဘာဝဖြင့်
ငါ့ကိုယ် ငါ့ကိုယ် တစ်ဆိုဆိုလျှင်
ကိုယ်ကိုယုယ ပြုစုကြလည်း
ကမ္မဇရုပ် စိတ်ကချုပ်လျှက်
သေမင်းလက်တွင် အသက်ငင်သော်
မြေတွင်မြှုပ်ကြ စွန့်ပစ်ကြသည့်
ဓမ္မတံထွာ ဆင်ခြင်ပါသော်
ဘယ်မှာ ငါ့ကိုယ်ရှိပါလိမ့်။ ။

မရဏာနုဿတိဘာဝနာ ပွားကြပါစို့။

မရဏံ မေ ဘဝိဿတိ
ဇီဝိတံ မေ နိရုဇ္ဈိဿတိ၊
နိယတံ မရဏံ မေ’ တိ
ဘာဝမေိ မရဏဿတိံ။

မေ – ရုပ်နာမ်နှစ်ဖြာ ဤခန္ဓာကို
သည်ကာပိုးထုပ် အကျွန်ုပ်၏။
မရဏံ – စုတိပျက်ကြွေ
အခြေပယွင်း သေရခြင်းသည်။
ဘဝိဿတိ – ဘယ်ရွေ့နေရ ဘယ်နေ့သေရ
ဘယ်မျှမသိ သေရမည့်အရေး
ပြေးမလွတ်သာ ဖြစ်လိမ့်မည်
ဧကန်သာတည်း။

မေ – တစ်ဘဝသာ ခဏတာမျှ
နေရမည်ဖြစ်သော အကျွန်ုပ်၏။
ဇီဝိတံ – ရုပ်နာမ်နှစ်ချက် ဇီဝသက်သည်။
နိရုဇ္ဈိဿတိ – တစ်နေ့ကျတော့ ချုပ်ရမည်ဧကန်
အမှန်ပင် ဖြစ်ပါတော့သတည်း။

သပြေကန်ဆရာတော်ဘုရားကြီး ရေးသားသော
မရဏာနုဿတိကထာ မှ ကောက်နှုတ်ချက်။
ဦးဓမ္မသာရ(ဆေးသဲ့တောင်)ပူဇော်ပါသည်။

CRD ~

𝓓𝓱𝓪𝓶𝓶𝓪𝓮𝓲𝓪𝔂𝓪𝓽𝓱𝓪𝓻

ဒီလို ဆရာတော်မျိုး နောင်ပေါ်ဖို့ မလွယ်
❇️❇️❇️❇️❇️❇️❇️❇️❇️❇️❇️❇️❇️

နိုင်ငံခြားမကြွလိုပါ
~~~~~~

 ယောဆရာတော်ကြီးသည် ငယ်စဉ် 

စာသင်သားဘဝကပင် မည်သည့်နေရာကို
မျှ အလည်အပတ်ကြွလေ့မရှိပေ။
စာဖြေခြင်း၊ တရားဟောကြွခြင်း၊
သံဃာ့ကိစ္စဖြင့်ကြွခြင်း စသည့်ကိစ္စများ
ဖြင့်သာ ထိုထိုမြို့ရွာများသို့ ရောက်ရှိရ
ခြင်းဖြစ်သည်။

ဘုရားဖူး အကြောင်းပြ၍လည်း ကြွလေ့
မရှိပါ။ တပည့်များက ဘုရားဖူးကြွမလို့ပါ
ဘုရားဟု လျှောက်လျှင်လည်း လက်မခံ
” သိမ်ထဲကဘုရားကို ဖူးသွားဦးလေ၊
အတူတူပဲ မဟုတ်လား”ဟုမိန့်လေ့ရှိသည်။

 ဗုဒ္ဓဂါယာသို့ကြွဖို့ရန် ဒါယကာများက 

လျှောက်ထားကြလျှင်လည်း
” နှလုံးသားထဲမှာ ဘုရားတည်ထားပါပြီ၊
အတူတူပါပဲ၊ မကြွပါရစေနဲ့ ” ဟုမိန့်၍
ကြွလေ့မရှိပါ။

 နိုင်ငံရပ်ခြားသို့ ကြွဖို့ရာ အကြောင်း

အမျိုးမျိုးဖြင့် လျှောက်ထားကြသော်လည်း
မည်သည့်အခါမှ လက်မခံပါ ၊တချို့က
နိုင်ငံခြား၌ ထူးခြားပုံ၊ အံ့သြဖွယ်ကောင်းပုံ၊
သာယာပုံတွေ ဗဟုသုတအဖြစ် ကြွရောက်ဖို့
လျှောက်ထားလျှင်လည်း
” ဘုန်ကြီးအိုကြီးက မျက်စိမှိတ်ပြီး
ခန္ဓာကိုယ်ကို ခြေဆုံးခေါင်းဆုံး အာရုံပြု
လိုက်ရင် အတူတူပဲ ဖြစ်သွားပါပြီ၊
ရုပ်၊ နာမ်ဖြစ်ပျက်အပြင် ဘာရှိသေးလဲ၊
အတူတူပဲ မဟုတ်လား၊ ဒါကြောင့်
မကြွပါရစေနဲ့ ” ဟုငြင်းပယ်တော်မူသည်။

တရားနာယူလိုပါသောကြောင့် ကြွဖို့

လျှောက်လျှင်လည်း တရားတိပ်ခွေများ၊ တရားစာအုပ်များကိုသာ ပေးလိုက်လေ့ရှိပါသည်။

 သို့သော် နိုင်ငံတော်အစီအစဉ်အရ 

မဖြစ်မနေ ထိုင်းနိုင်ငံသို့တစ်ခါ
တရားဟောကြွရသည်။
ဒါပေမယ့် မည်သည့်နေရာကိုမျှ
အလည်အပတ်မကြွ၊ တည်းခိုရာနေရာ၌
သာ သီတင်းသုံးသည်။

 ထူးခြားမှုကား အယုဒ္ဓယမြို့သို့ ပို့ခိုင်း

သည်။အကြောင်းကား လည်ပတ်ရန်အ
တွက် မဟုတ်၊ နှစ်နိုင်ငံ ဒေါသအာဃာတများ
ငြိမ်းအေးစေရန် မေတ္တာသွားပို့ခြင်း
ဖြစ်ပါသည်။

 ထို့နောက် လာအိုနိုင်ငံသို့လည်း 

တရားဟောတစ်ခါ ကြွရသည်။
ထိုအခါ၌လည်း ဘယ်နေရာမှ မကြွ၊
တည်းခိုရာနေရာ၌သာ နေထိုင်ပြီး ထိုနေ
ရာမှ ပြန်ကြွလာခဲ့ခြင်း ဖြစ်သည်။

   နိုင်ငံခြားသို့ မကြွလိုသော ဆရာတော်များမှာ 

မိမိတို့သိသမျှ တိပိဋက မင်းကွန်းဆရာတော်ကြီးနှင့်
တိပိဋက ယောဆရာတော်ကြီး နှစ်ပါး
ဖြစ်ပါသည်။

ဒေါက်တာဘွဲ့ကိုလက်မခံ ့့
၁၃၆၉ ခုနှစ်တွင် တိပိဋကယောဆရာ
တော်ကို ထိုင်းနိုင်ငံ မဟာချူလာလောင်ကွ န်း
တက္ကသိုလ်က ဗုဒ္ဓစာပေဆိုင်ရာ ပါရဂူ
ဂုဏ်ထူးဆောင် (ပီအိပ်ခ်ျဒီ) ဒေါက်တာဘွဲ့
ဆက်ကပ်လှူဒါန်းရန် စကားကမ်းလှမ်းခဲ့
သော်လည်း
” ဆက်ကပ်လှူဒါန်းလိုသည်ဆိုခြင်းကို
ကျေးဇူးတင်ဝမ်းမြောက်ပါကြောင်း၊
သို့ရာတွင် မိမိမှာ တိပိဋကဓရ ရထား
ပြီးဖြစ်၍ တိပိဋကဓရဘွဲ့ကို
အခြားဘွဲ့တစ်ခုက ဝါးမျိုလွှမ်းမိုးသွား
တာမျိုး မခံလို၍ အခြားဘွဲ့များကို မယူ
လိုတော့ပါကြောင်း ” ပြော၍
လက်မခံဘဲ ငြင်းပယ်တော်မူခဲ့လေသည်။

တယ်လီဖုန်းလှူသည်ကိုလက်မခံ ့့
တိပိဋကယောဆရာတော်သည်
တယ်လီဖုန်းကို ထားလည်းမထား၊
ကိုင်လည်းမကိုင်၊ ကိုယ်ကလည်း
သူများထံ လုံးဝမဆက်၊ သူများထံမှ
ဆက်လာလျှင်လည်း လုံးဝမကိုင်၊
ကိစ္စအထူးရှိပါက တပည့်များကို
ဖုန်းဆက်ခိုင်းသည်။

တရားပွဲ ပင့်လျှောက်ရာ၌ ဖြစ်စေ၊
ဆွမ်းစား ပရိတ်ရွတ် ပင့်လျှောက်ရာ၌
ဖြစ်စေ၊ တယ်လီဖုန်းဆက်၍ ပင့်လျှောက်ပါက
လက်မခံရန် တပည့်သံဃာ့ပရိတ်သတ်ကို
မိန့်ကြားထားသည်။

လွန်ခဲ့သော ၁၆ နှစ်လောက်က 

လက်ကိုင်ဖုန်းကို တော်ရုံတန်ရုံလူ
မကိုင်နိုင်သည့် အချိန်၊ ဆယ်လူလာဖုန်း
တစ်လုံးလျှင် ကျပ်သိန်း ၄၀ ပေးဝယ်ရ
သည့်အချိန်တွင် ကမ္ဘာအေး မဟာပါသဏ
လိုဏ်ဂူ၌ သူဋ္ဌေးအလှူရှင်များက
တိပိဋကသြဝါဒစရိယ ဆရာတော်ကြီး ၁၀
ပါးကို တစ်ပါးလျှင် တယ်လီဖုန်းတစ်လုံးစီ
လှူဒါန်းရာ ယောဆရာတော်မှ
” ဘုန်းကြီးက တယ်လီဖုန်း မကိုင်ဘူးဗျ။
လိုအပ်တဲ့နေရာကိုသာ လှူလိုက်ကြ “
ဟု အမိန့်ရှိ၍ လက်မခံဘဲ ငြင်းပယ်လိုက်သည်။

ထိုအခါ အနီးအနားက ဆရာတော်

တစ်ပါးက ” ဦးသိရိန်၊ သိန်း ၄၀ တောင်
တန်တာ၊ ယူထားလိုက်ပါ၊
ကိုယ်မလိုတော့လည်း တပည့်တွေကို
ပေးရတာပေါ့ ” ဟု ဆက်လက်တိုက်တွန်း
သော်လည်း လက်မခံခဲ့ချေ။

ကိုယ်တိုင်သင်္ကန်းလျှော် ့့
ယောဆရာတော်သည် ပိဋကသုံးပုံအောင်
တိပိဋကဓရဆရာတော်လည်းဖြစ်၊
ကျောင်းတိုက်ကြီး၏ အကြီးအကဲ ပဓာန
နာယက ဆရာတော်လည်း ဖြစ်ပါလျက်
မိမိဝတ်ရုံသော သင်္ကန်းကို ယနေ့ထိ
ကိုယ်တိုင်လျှော်၊ ကိုယ်တိုင်ရုပ်၊
ကိုယ်တိုင်ခေါက်တော် မူသည်။

ဝေယျာဝစ္စ ဆောင်ရွက်နေကြသည့်
ဦးပဉ္ဇင်း ကိုရင်များကို တစ်ကြိမ်မျှ
အလျှော်မခိုင်း။

တစ်နေ့သောအခါ စာရေးသူသည်
ဝေယျာဝစ္စ ဆောင်ရွက်ရန် ယော
ဆရာတော် ကျောင်းဆောင်သို့
ဝင်ရောက်ရာတွင် ယောဆရာတော်
သင်္ကန်းလျှော်နေသည်ကို တွေ့မြင်၍
လက်အုပ်ချီကာ ” ဘုရားတပည့်တော်
လျှော်ပါမည် ” ဟုလျှောက်ရာ
ယောဆရာတော်မှ
” ခန္ဓာကြီး သုံးလို့ဖြစ်ပါသေးတယ်ကွ၊
ကိုယ့်ဟာကိုယ် လျှော်ပါ့မယ် ” ဟု
မိန့်လေသည်။

📙 အရှင်ပညာတိက္ခ
ရေးသားပူဇော်သည့်
” ဘဝဖြစ်စဉ် ကြောင်းကျိုးထင် “
စာမျက်နှာ ၂၂၉

ဤမှန်သော သစ္စာစကားကြောင့်

သမ္မတ မင်းစေ
သူကြွယ် သူဆင်းရဲ
သဒ္ဓါကြွယ်သူ သဒ္ဓါနည်းသူ
လှူနိုင်သူ မလှူနိုင်သူ
မခွဲခြား မေတ္တာတရား
ရင်ဝယ်ထား ပြုံးရွှင်စွာ
တုံ့ပြန်နေတာ တို့ဆရာ ။

ယာဉ်အလှူ လက်မခံ
ဖုန်းအလှူ ပယ်ချ
ဒေါက်တာဘွဲ့ အကပ်မခံ
တိပိဋကကို တန်ဖိုးထား
လှူသမျှ အကုန်စွန့်
ရိုးဂုဏ်နဲ့နေတာ တို့ဆရာ ။

ပရိယတ္တိကို အစဉ်အလေးထား
ပဋိပတ္တိကို မပြတ်တမ်းပွား
အရွယ်ကိုမငဲ့ ခန္ဓာကိုမညှာ
ဘာသာအရေး အစဉ်မျှော်တွေး
သာသနာအကျိုး ဆတိုးပိုး
ဝိနည်းနဲ့ညီတာ တို့ဆရာ ။

ဤမှန်သော သစ္စာစကားကြောင့်
ကျေးဇူးတော်ရှင်
တိပိဋက(ယော)ဆရာတော်ဘုရားသည်
သက်တော်ရာကျော်ရှည်၍ ကျန်းမာ
ချမ်းသာစွာ သာသနာပြုနိုင်ပါစေ ဘုရား ။

{ ဆရာတော်ဘုရားထံပါးတွင်
မှီဝဲဆည်းကပ်ကိုးကွယ်နေရခိုက်
ဆရာတော်နှင့်ပတ်သက်၍ မိမိသိရှိခဲ့
သည်များကို အမှန်အတိုင်း ရေးဖွဲ့၍
သစ္စာပြုပါ၏ ။ }
တင်ပြသူ – – – ဦးဝင်းသိန်း WinThein

( နိုင်ငံခြား ခရီးစဉ်တွေနဲ့ ရောဂါထလိုသူများ
စာမေးပွဲမှ ရရှိတဲ့ ဘွဲ့မဟုတ်ပဲ ပေါ်လစီလုပ်စားဘွဲ့
တွေနဲ့ ကြွားဝါလိုသူများ
ကားအမျိုးမျိုးကို ရေလဲစီးပြပြီး ကြွားချင်သူများ
လူခိုင်းသမျှကို သင့်/မသင့် မချင့်ချိန်ပဲ အလွယ်တကူ
လုပ်ပေးကြသူများ
ပစ္စည်းတွေ ဂိုဒေါင်နဲ့ သိုလှောင်ပြီး သေအခါမှ စာရင်း
ပြုစုနေကြရသူများ
မူလပစ္စည်းလေးပါးဒကာဒကါမထက် ပေါ်လစီခေတ်
လိုက်ပြီး အာဏာပိုင်- သူဌေးကုမ္ပဏီများကို ယာယီ
နေရာကေါင်းပေးပြီး ဘုန်းကြီးချင်ကြသူများ )
သတိထါးဆင်ခြင်သင့်တဲ့ အချက်အလက်တွေပါလား
လို့ စဉ်းစားရင် ့့ ့့

@ ဒီလို ဆရာတော်မျိုး
ရှေးကလဲ သိပ်မရှိ
ယခုလဲ မမြင်
နောက်လဲ ပေါ်ထွန်းဖို့မလွယ် @ ဟူ၍သာ

ပြန်လည်မျှဝေသည်#

Credit:

𝓕𝓱𝓪𝓶𝓶𝓪𝓮𝓲𝓪𝔂𝓪𝓽𝓱𝓪𝓻

(မိမိကိုယ်)
၁။ အဟံ အဝေရော ဟောမိ- (အကျွန်ုပ်သည် ဘေးရန်ကင်းကွာ ချမ်းသာရပါလို၏)
အဗျာပဇ္ဇော ဟောမိ- (စိတ်ဆင်းရဲခြင်း ကင်းရပါလို၏)
အနီဃော ဟောမိ- (ကိုယ်ဆင်းရဲခြင်း ကင်းရပါလို၏)
သုခီ အတ္တာနံ ပရိဟရာမိ- (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ရပါလို၏)

(မိဘ-ဆရာသမား ဆွေမျိုးများ)
၂။ မမ မာတာပိတု, (အကျွန်ုပ်၏ မိဘနှစ်ပါး)
အာစရိယာ စ, (ဆရာသမား အားလုံး)
ဉာတိမိတ္တာ စ, (ဉာတကာ မိတ်ဆွေ အားလုံး)
သဗြဟ္မစာရိယော စ, (တရားကျင့်ဖော်များ အားလုံး)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

(ယောဂီသူတော်စင်များ)
၃။ ဣမသ္မိံ အာရာမေ သဗ္ဗေ ယောဂိနော-(ဤအရံအတွင်းမှာ မှီတင်းနေထိုင်ကြကုန်သော
ယောဂီသူတော်စင် အားလုံး)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

(ရဟန်းသာမဏေ သူတော်စင် အမျိုးသား-အမျိုးသမီးအားလုံး)
၄။ ဣမသ္မိံ အာရာမေ သဗ္ဗေ ဘိက္ခူ, (ဤအရံအတွင်းမှာ မှီတင်းနေထိုင်ကြကုန်သော ရဟန်း)
သာမဏေရာ စ, (သာမဏေ အားလုံး)
ဥပါသကာ- (သူတော်စင် အမျိုးသား)
ဥပါသိကာယော စ, (သူတော်စင် အမျိုးသမီး အားလုံး)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

(ပစ္စည်းလေးဖြာ အလှူ့ဒါယကာ ဒါယိကာမများ)
၅။ အမှာကံ စတုပစ္စယ ဒါယကာ- (အကျွန်ုပ်၏ ပစ္စည်းလေးပါး, အလှူ့ဒါယကာ, အလှူ့ဒါယိကာမ အားလုံး)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

(ကိုယ်စောင့်နတ်,ကျောင်း,အိမ်,အရံစောင့်နတ်များ)
၆။ အမှာကံ အာရက္ခ ဒေဝတာ- (အကျွန်ုပ်၏ ကိုယ်စောင့်နတ်အပေါင်း)
ဣမသ္မိံ ဝိဟာရေ, (ဤကျောင်းတိုက်အတွင်း၌၄င်း)
ဣမသ္မိံ အာဝါသေ, (ဤအိမ်အတွင်း၌၄င်း)
ဣမသ္မိံ အာရာမေ, (ဤအရံအတွင်း၌၄င်း)
အာရက္ခ ဒေဝတာ- (စောင့်ရှောက်ကြကုန်သော ဒေဝတာနတ်အပေါင်း)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

(အနောဓိသပုဂ္ဂိုလ် ၅-ဦး၊ သြဓိသပုဂ္ဂိုလ် ၇-ဦး))
၇။ သဗ္ဗေ သတ္တာ, (သက်ရှိ ကျား-မ မဟူ သတ္တဝါအပေါင်း)
သဗ္ဗေ ပါဏာ, (ဝင်သက် ထွက်သက် ရှိကြကုန်သော သတ္တဝါအပေါင်း)
သဗ္ဗေ ဘူတာ, (အလုံးသော သတ္တဝါအပေါင်း)
သဗ္ဗေ ပုဂ္ဂလာ, (ပုဂ္ဂိုလ်အပေါင်း)
သဗ္ဗေ အတ္တဘာဝပရိယာပန္နာ, (ရုပ်နာမ်နှစ်ပါးရှိကြကုန်သော သတ္တဝါအပေါင်း)
သဗ္ဗာ ဣတ္ထိယော, (အမျိုးသမီးအပေါင်း)
သဗ္ဗေ ပုရိသာ, (အမျိုးသားအပေါင်း)
သဗ္ဗေ အရိယာ, (အရိယာသူတော်စင်အပေါင်း)
သဗ္ဗေ အနရိယာ, (အရိယာမဖြစ်သေးကုန်သော ပုဂ္ဂိုလ်အပေါင်း)
သဗ္ဗေ ဒေဝါ, (နတ်ဗြဟ္မာအပေါင်း)
သဗ္ဗေ မနုဿာ, (လူသားအပေါင်း)
သဗ္ဗေ ဝိနိပါတိကာ, (အပါယ်ဘုံသားအပေါင်း)
အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

ဒုက္ခာ မုစ္စန္တု, (ကိုယ်စိတ်ဆင်းရဲခြင်းမှ ကင်းလွတ်ကြပါစေ)
ယထာလဒ္ဓ သမ္ပတ္တိတော မာဝိဂစ္ဆန္တု, (ရပြီးသော ဂုဏ်သိရ် စည်းစိမ်ဥစ္စာများလည်း
မယုတ်လျော့ကြပါစေသတည်း)
ကမ္မဿကာ။ (ကိုယ်ပြုသောအမှုအတိုင်း ခံစား စံစားရသူချည်းပါတကား)။

(အရပ်ဆယ်မျက်နှာ)
၈။ ပုရတ္ထိမာယ ဒိသာယ, (အရှေ့အရပ်၌ ရှိကြကုန်သော)
ပစ္ဆိမာယ ဒိသာယ, (အနောက်အရပ်၌ ရှိကြကုန်သော)
ဥတ္တရာယ ဒိသာယ, (မြောက်အရပ်၌ ရှိကြကုန်သော)
ဒက္ခိဏာယ ဒိသာယ, (တောင်အရပ်၌ ရှိကြကုန်သော)

ပုရတ္ထိမာယ အနုဒိသာယ, (အရှေ့တောင်ထောင့်အရပ်၌ ရှိကြကုန်သော)
ပစ္ဆိမာယ အနုဒိသာယ, (အနောက်မြောက်ထောင့်အရပ်၌ ရှိကြကုန်သော)
ဥတ္တရာယ အနုဒိသာယ, (အရှေ့မြောက်ထောင့်အရပ်၌ ရှိကြကုန်သော)
ဒက္ခိဏာယ အနုဒိသာယ, (အနောက်တောင်ထောင့်အရပ်၌ ရှိကြကုန်သော)
ဟေဋ္ဌိမာယ ဒိသာယ, (အောက်အရပ်၌ ရှိကြကုန်သော)
ဥပရိမာယ ဒိသာယ-, (အထက်အရပ်၌ ရှိကြကုန်သော)

သဗ္ဗေ သတ္တာ, (သက်ရှိ ကျား-မ မဟူ သတ္တဝါအပေါင်း)
သဗ္ဗေ ပါဏာ, (ဝင်သက် ထွက်သက် ရှိကြကုန်သော သတ္တဝါအပေါင်း)
သဗ္ဗေ ဘူတာ, (အလုံးသော သတ္တဝါအပေါင်း)
သဗ္ဗေ ပုဂ္ဂလာ, (ပုဂ္ဂိုလ်အပေါင်း)
သဗ္ဗေ အတ္တဘာဝပရိယာပန္နာ, (ရုပ်နာမ်နှစ်ပါးရှိကြကုန်သော သတ္တဝါအပေါင်း)
သဗ္ဗာ ဣတ္ထိယော, (အမျိုးသမီးအပေါင်း)
သဗ္ဗေ ပုရိသာ, (အမျိုးသားအပေါင်း)
သဗ္ဗေ အရိယာ, (အရိယာသူတော်စင်အပေါင်း)
သဗ္ဗေ အနရိယာ, (အရိယာမဖြစ်သေးကုန်သော ပုဂ္ဂိုလ်အပေါင်း)
သဗ္ဗေ ဒေဝါ, (နတ်ဗြဟ္မာအပေါင်း)
သဗ္ဗေ မနုဿာ, (လူသားအပေါင်း)
သဗ္ဗေ ဝိနိပါတိကာ, (အပါယ်ဘုံသားအပေါင်း)

အဝေရာ ဟောန္တု- (ဘေးရန်ကင်းကွာ ချမ်းသာကြပါစေ)
အဗျာပဇ္ဇာ ဟောန္တု- (စိတ်ဆင်းရဲခြင်း ကင်းကြပါစေ)
အနီဃာ ဟောန္တု- (ကိုယ်ဆင်းရဲခြင်း ကင်းကြပါစေ)
သုခီ အတ္တာနံ ပရိဟရန္တု။ (ကိုယ့်ဝန် ကိုယ့်တာ ကိုယ့်ခန္ဓာ ချမ်းသာစွာ မွေးမြူနိုင်ကြပါစေ)။

ဒုက္ခာ မုစ္စန္တု, (ကိုယ်ဆင်းရဲခြင်းမှ ကင်းလွတ်ကြပါစေ)
ယထာလဒ္ဓ သမ္ပတ္တိတော မာဝိဂစ္ဆန္တု, (ရပြီးသော ဂုဏ်သိရ် စည်းစိမ်ဥစ္စာများလည်း
မယုတ်လျော့ကြပါစေသတည်း)
ကမ္မဿကာ။ (ကိုယ်ပြုသောအမှုအတိုင်း ခံစား စံစားရသူချည်းပါတကား)။

(ကုန်းနေ,ရေနေ,ကောင်းကင်ပျံ သတ္တဝါများ)
၉။ ဥဒ္ဓံယာဝ ဘဝဂ္ဂါ စ၊ (အထက်ဘဝဂ်)
အဓောယာဝ အဝီစိတော။ (အောက်အဝီစိ)
သမန္တာ စက္ကဝါဠေသု၊ (ရှိရှိသမျှ အနန္တစကြာဝဠာ)
ယေ သတ္တာ ပထဝီစရာ။ (ကုန်းနေ သတ္တဝါအားလုံး)
အဗျာပဇ္ဇာ နိဝေရာ စ၊ (ဥပါဒ်ရန်ဘေး ကင်းစင်ဝေး)
နိဒ္ဒုက္ခာ စ နုပဒ္ဒဝါ။ ( ငြိမ်းအေးကြပါစေ)

၁၀။ ဥဒ္ဓံယာဝ ဘဝဂ္ဂါ စ၊ (အထက်ဘဝဂ်)
အဓောယာဝ အဝီစိတော။ (အောက်အဝီစိ)
သမန္တာ စက္ကဝါဠေသု၊ (ရှိရှိသမျှ အနန္တစကြာဝဠာ)
ယေ သတ္တာ ဥဒကေစရာ။ (ရေနေ သတ္တဝါအားလုံး)
အဗျာပဇ္ဇာ နိဝေရာ စ၊ (ဥပါဒ်ရန်ဘေး ကင်းစင်ဝေး)
နိဒ္ဒုက္ခာ စ နုပဒ္ဒဝါ။ ( ငြိမ်းအေးကြပါစေ)

၁၁။ ဥဒ္ဓံယာဝ ဘဝဂ္ဂါ စ၊ (အထက်ဘဝဂ်)
အဓောယာဝ အဝီစိတော။ (အောက်အဝီစိ)
သမန္တာ စက္ကဝါဠေသု၊ (ရှိရှိသမျှ အနန္တစကြာဝဠာ)
ယေ သတ္တာ အာကာသေစရာ။(ကောင်းကင်နေ သတ္တဝါအားလုံး)
အဗျာပဇ္ဇာ နိဝေရာ စ၊ (ဥပါဒ်ရန်ဘေး ကင်းစင်ဝေး)
နိဒ္ဒုက္ခာ စ နုပဒ္ဒဝါ။ ( ငြိမ်းအေးကြပါစေ)

Special Credit To : မင်္ဂလာသတင်းစဉ်

” ဘုရားရှင် ပေးဆပ်ခဲ့ရသော ဝိပါတ်တော် ၁၂ ပါး “
•••••••••••••••••••••••••••••••••••••••••••••••
“ဝဋ်မှာအမြဲ ငရဲမှာအပ”ဆိုသည့်အတိုင်း ဝဋ်ကြွေး
ရှိပါက မည်သူမဆို ပြန်လည်ပေးဆပ်ကြရမြဲပင်။ ကု
သိုလ်အမှု့ကိုပြုပါက (ကုသလဝိပါတ် ) အကုသိုလ်အ
မှု့ကိုပြုပါက (အကုသလဝိပါတ်)ခံကြရပေမည်။သံသ
ရာမှ မလွတ်မချင်း မိဃာကကံဟုခေါ်သော ကုသိုလ်
အကုသိုလ်ကံတို့အကျိုးပေးခြင်းကိုခံရမည်ဖြစ်ရာ ဗုဒ္ဓ
ဘုရားရှင်ပင်လျှင် နုစဉ်ဘဝများက ကျုးလွန်ခဲ့သော အ
ကုသိုလ်ကံအကျိုး ဝိပါတ် ၁၂ပါးကို ဘုရားစစ်စင်ဖြစ်
သည့် ဘဝ၌ပင် ပေးဆပ်ခဲ့ရပါသေးသည်။
(၁) ပထမဝိပါတ်တော်
°°°°°°°°°°°°°°°°°°°°
မေး။ ဥရုဝေလတောဝ မြိုင်ခွင် ခြောက်နှစ်ပတ်လုံး
ကျင့်သုံးအရှင် အားအင်ခန်းလို့ ညှိုးနွမ်းငြိုငြင်
ပင်ပမ်းရေး ဝဋ်ကြွေးဘယ်ကြောင့်တင်။
ဖြေ ။ ကဿ ပဘုရား ထင်ရှားပွင့်သော် ဇောတိပါလ
နာမအကျော် ပုဏ္ဏားမာန်တက် နှုတ်မြွက်အာ
ဘော် ဝစီပြင်းရှေ့ရင်းဝိပါတ်တော်။
ကဿ ပ ဘုရားရှင်သည် တောထွက်ခါ ဒုက္ကရစ
ရိယာကို ၆ရက်ကျင့်ကြံကာ ဘုရားအဖြစ်သို့ရောက်
တော်မူရာ ဂေါတမဘုရားလောင်း ဇောတိပါလအမည်
ရှိ ဗေဒင်ကျမ်းတတ်ပုဏ္ဏားက “လောကီပညာတောင်
နှစ်ပေါင်းများစွာ သင်ရသေးတာ ဗောဓိဥာဏ်ရဖို့ဆိုတာ
အင်မတန်ခဲယဉ်းလှပါဘိ။ ဒီဥာဏ်မျိုးရဖို့၆ရက်ထဲကျင့်
ရသည်မှာ မဖြစ်နိုင် ငါသာဆို ၆ နှစ်တောင်ကျင့်ကြံနိုင်
သည်။”ဟု အထင်သေး စကား(မနောကံ ဝစီကံ)ဖြင့်
ပြောဆိုမိခဲ့၍ ဥရုဝေလတောမှာ ဒုက္ကရစရိယာကို ၆နှစ်
ကြာကျင့်ကြံခဲ့ရပါသည်။
(၂) ဒုတိယဝိပါတ်တော်
°°°°°°°°°°°°°°°°°°°°°
မေး။ စိဉ္စမာဏ မိန်းမစေကျွန် ကိုယ်ဝန်ရှိသော ပြော
ဆိုအလွန် လက်သယ်ထားလို့ ဘုရားကို ညွှန်
စွပ်စွဲခဲ့ အဘယ့်ဝိပါတ်ဝန်။
ဖြေ။ သောက်စားလွန်ကျု း ယစ်မူးပျော်ရွှင် သေရည်
သမား ဖြစ်ငြားသခင် ရဟန္တာမြတ် ဆွမ်းရပ်
သည်မြင် အကျင့်ယုတ် ဖွင့်ထုတ်စွပ်စွဲ အင်။
ဗာရာဏသီပြည် ဝေဿ ဘူမြတ်စွာဘုရားလက်
ထက် ဘုရားလောင်းသည် သူဆင်းရဲမျိုး၌ ဖြစ်ကာ နေ့
ညသောက်စားမူးယစ်လျှက် ဆွမ်းခံရပ်နေသော ရှင်အာ
နန္ဒာ အမည်ရှိ ရဟန္တာမြတ်ကို “သပိတ်ပိုက်ပြီး လိုက်
တောင်းစားနေတာပဲ ခြေလက်အင်္ဂါပြည့်စုံပါလျှက်လုပ်
ကိုင်စားလိုစိတ်မရှိ အချောင်သက်သက်လူညွန့်ခူးစား
နေတယ် ကိုယ်ကျင့်သီလမရှိပဲ ရှက်စရာသိပ်ကောင်း
တယ်”ဟု စွပ်စွဲပြောဆိုခဲ့သဖြင့် ဘုရားအဖြစ်သို့ရောက်
သောအခါ လာဘ်လာဘပါးရှားလာသောတတ္ထိဆရာ
ကြီးတို့က တပည့်စိဉ္စမာဏကို ငွေအသပြာပေးကာ
ကိုယ်ဝန်အတုပြုလုပ်၍ ဇေတဝန်ကျောင်းတော် ပရိ
သတ်အလည်တွင် မြတ်စွာဘုရားအားစွပ်စွဲပြောဆိုခဲ့
ပါသည်။
(၃) တတိယဝိပါတ်တော်
°°°°°°°°°°°°°°°°°°°°°°
မေး။ တိတ္ထိစေခိုင်း မိုက်ရိုင်းဒုဿ ီ ထင်ယောင်ထင်
မှား ပြုငြားသုန္ဒရီ လူရှင်အပေါင်း ယုံကြောင်း
ပွေလီ ရှင်တော်ထွတ် ဘယ်ဝဋ်ရှေးကမှီ။
ဖြေ။ မုနာဠိဟု မည်ရှိလောင်းတော် မောက်ကြွား
မှောက်မှား သောက်စားအပျော် ရှင်ပစ္စေက
ဗုဒ္ဓမြင်သော် ဒုဿ ီဘဲ စွပ်စွဲဝဋ်ကြွေးပေါ်။
ဖုဿ မြတ်စွာဘုရားလက်ထက်တွင် အလောင်း
တော်သည် ‘မုဠာနိ’အမည်ရှိ အရက်သမားဖြစ်လေရာ
‘သုရဘိ’ပစ္စေကဗုဒ္ဓါကို “ဒီပုဂ္ဂိုလ်ဟာ သူ့ကျောင်းထဲမှာ
ှမိန်းမတွေတရုန်းရုန်းနဲ့ပျော်ပါးနေပြီးဆွမ်းခံချိန်ကျမှ
သင်္ကန်းရုံ သပိတ်ပိုက်ပြီးဣနြေ္ဒကြီးနဲ့နေတဲ့အချောင်
သမားဖြစ်သဖြင့် လှူ တန်းစရာမလို”ဟုမဟုတ်မမှန်
စွပ်စွဲကဲ့ရဲ့ ခဲ့သည်။ဂေါတမဘုရားအဖြစ်ပွင့်သောအခါ
လာဘ်လာဘ တတ္ထိများကစေခိုင်းမှု့ကြောင့် သုန္ဒရီ
အား ညနေပိုင်းလူအများ ဘုရားရှင်၏ကျောင်းတော်မှ
အပြန်ကျောင်းသို့လာဟန်ပြုစေ၏။နံနက်အခါလူအများ
ကျောင်းသို့လာစဉ် ကျောင်းမှပြန်လာဟန်ပြုစေ၍ လူ
အများအထင်မှားအောင် ပြုခဲ့သဖြင့် အသိပညာဥာဏ်
နည်းပါးသူတို့၏ အကြည်ညိုပျက်စေရန် အပြုခံရသည်။
(၄) စတုတ္ထဝိပါတ်တော်
°°°°°°°°°°°°°°°°°°°°°
မေး။ သုန္ဒရီမိုက် သတ်လိုက်သေရာ တတ္ထိအသင်း
သတင်းလွှင့်ကာ တပည့်များနှင့် ဘုရားကို
သာ လူအများ ယုံမှားဘယ့်တွက်တာ။
ဖြေ။ လောင်းတော်ရသေ့ပျော်မွေ့စံရာ ရသေ့တစ်
ဦး စျာန်မြူ းကွန့်လာ ငြူ စူစိတ်ဇော မနော
ဣသာ ကျင့်ယုတ်ကြီး နှုတ်သီးချွန်သည့်တာ။
တစ်ခုသောဘဝတွင် ဘုရားအလောင်တော်သည်
စျာန်မရသော ရသေ့တစ်ပါးဖြစ်လေရာ သူ၏အနီးသို့
စျာန်ပျံရသေ့ဆင်းသက်လာသည်ကို မနာလိုစိတ်ပြင်း
ထန်ကာ ပတ်ဝန်းကျင်ရှိလူများအား” ထိုရသေ့သည်
စျာန်သာရ၍ အကျင့်ယုတ်မာသူဖြစ်၏ ထိုသူမျိုးကိုကိုး
ကွယ်လျှင်ဘာအကျိုးမှ မရနိုင်အပြစ်သာဖြစ်နိုင်သည်”
ဟု မစ္ဆရိယစိတ်ဖြင့် လိမ်ညာပြောဆိုခဲ့သဖြင့် ဤဘဝ
တွင် တိတ္ထိတို့က သုန္ဒရီကိုသတ်မှု့အား စွပ်စွဲပြောဆို
ခြင်းခံရလေသည်။အချို့ပညာဥာဏ်နည်းပါးသူတို့၏
အကြည်ညိုပျက်မှု့ကိုလည်းခံရသည်။
(၅) ပဉ္စမဝိပါတ်တော်
°°°°°°°°°°°°°°°°°°°°°
မေး။ ဝေဘာတောင်စောင်း ကျောက်မောင်းဆင်
ကာ ဒေဝဒတ်ယုတ် ခလုတ်အသာ သူဖြုတ်ချ
လို့ ဗုဒ္ဓ္ဓခြေမှာ ကျောက်လွှာငြိ ဒဏ်ထ ဘယ်
ဝဋ္ပါ။
ဖြေ။ သူကြွယ်မျိုးဇာတ် ဖြစ်လတ်တုံချေ ညီကိုလှည့်
စား ခေါ်သွားသလေ ကျောက်နှင့်ဖိညှပ် ထု
သတ်ကြိတ်ခြေ ကျောက်ဝိပါတ် အဆက်ပါ
ခဲ့ပေ။
နုစဉ်ဘဝက သူကြွယ်မျိုး၌ ဖြစ်ခဲ့ရာမိဘများဆုံးပါး
သွားသောအခါ ညီငယ်အားအမွေပစ္စည်းများ မပေးလို
၍ တောတွင်းသို့လှည့်ဖျားခေါ်ဆောင်ကာ ကျောက်တုံး
ဖြင့် အသေထုသတ်ခဲ့သည်။ဘုရားလောင်းအကိုဖြစ်သူ
မှာ ထိုဘဝမှကွယ်လွန်သောအခါ ငရဲကျခံခဲ့ရပြီး လူ့
ဘဝရောက်လျှင်လည်း သူတစ်ပါး၏ ကျောက်တုံးဖြင့်
ထုသတ်ခြင်းကိုအမြဲခံရသည်။ ယခုဘုရားဖြစ်တော်မူ
သောအခါ ကိဇ္ဈကုဋ်တောင်ခြေတွင် ဆွမ်းခံကြွတော်
မူစဉ် အရှင်ဒေဝဒတ်က ကျောက်မောင်းဆင်ကာ အ
သက်ကိုလုပ်ကြံခြင်းခံရလေသည်။ ကြီးမားသော
ကျောက်တုံးကြီးမှ လွတ်သော်ငြား ပဲ့ထွက်လာသော
ကျောက်လွှာချပ်က ဘုရားရှင်၏ ခြေမတော်ကို ထိမှန်
ခဲ့သည်။
(၆) ဆဋ္ဌမ ဝိပါတ်တော်
°°°°°°°°°°°°°°°°°°°°°
မေး။ ကျောက်လွှာထိပါး မြတ်ဘုရားထွဋ်တင် တည်
နေဝပ်ကိန်း သွေးစိမ်းအရှင် ခြေမတော်ထဲ
ကိုက်ခဲနာကျင် ဝိပါတ်ရင်း အလင်းပြစေချင်။
ဖြေ။ သူငယ်ဖြစ်ခိုက် လမ်း၌ပျော်ရွှင် ရှင်ပစ္စေက
ဝေးမှအမြင် ခဲနှင့်ပစ်လိုက် ထိခိုက်ခြေတွင်
သွေးယိုဆင်း ရှေးရင်းဝိပါတ်ပင်။
ရှေးနုစဉ်ဘဝ၌ ကလေးသူငယ်အရွယ် ဆော့ကစား
ရင်း ပစ္စေကဗုဒ္ဓါအရှင် ဆွမ်းခံကြွလာသည်ကိုမြင်သော
အခါ ကလေးဘဝအတွေးဖြင့် အနားသို့မလာအောင် ခဲ
ဖြင့်ပစ်ပေါက်လိုက်ရာ ခြေမတော်ကိုထိမှန်၍ သွေးများ
ယိုစီးထွက်လာ၏။ထို့ကြောင့် ရှင်ဒေဝဒတ်လုပ်ကြံသ
ဖြင့် ခြေမတော်တွင် ကျောက်လွှာထိမှန်ကာ သွေးစိမ်း
တည်၍ ကိုက်ခဲနာကျင်ခြင်းဖြစ်စေခဲ့လေသည်။
(၇) သတ္တမ ဝိပါတ်တော်
°°°°°°°°°°°°°°°°°°°°°°
မေး။ ဆွမ်းခံကြွမြန်း ထိပ်ပန်းဘုန်းကြွယ် မုန်ကျ
ဆင်ကြီးခရီးအလယ် ဒေဝဒတ်မိုက် လွှတ်
လိုက်ပြန်တယ် ရင်ဆိုင်တွေ့ ဆင်ဝှေ့ဘယ်
ဝဋ်နှယ်။
ဖြေ။ ဆင်ထိန်းဆင်ကျောင်း အလောင်းဖြစ်တုံ
ရှင်ပစ္စေကက လမ်းမအဆုံ ဒေါသထားကာ
ပြစ်မှားသုန်မှုန် ဆင်နှင့်တိုက် ဝဋ်လိုက်စေ
ဖို့ကြုံ ။
ရှေးဘဝက ပြည်ူ့ရှင်မင်း၏ ဆင်ဦးစီး(ဆင်ထိန်း)
ဖြစ်ခဲ့ရာ ဆင်ကျောင်းရာမှ မြို့ထဲသို့ပြန်လာစဉ် ပစ္စေက
ှဗုဒ္ဓါအရှင်တစ်ပါး ဆွမ်းခံကြွလာခိုက်နှင့် လမ်းတွင်ကြုံ
လေသည်။လမ်းဖယ်ပေးဖို့ပြောရာ ကြွမြဲအတိုင်းကြွနေ
သဖြင့် ဒေါသဖြစ်ကာဆင်ကိုချွန်းဖြင့် တအားထိုးစိုက်ချ
လေ၏ထိုအခိုက်ပစ္စေကဗုဒ္ဓါအရှင်မြတ်က ကောင်းကင်
သို့ပြန်တက်သွားရာ အပေါ်ရုံသင်္ကန်းမြေသို့ ကျကျန်ခဲ့
လေသည်။ဆင်လည်း ဒေါသထွက်ကာ ထိုသင်္ကန်းကို
စိစိညက်ညက်ကြေအောင် နင်းချေလေ၏။ထို့ကြောင့်
ယခုဘဝတွင် ရာဇဂြိုလ်မြို့တွင်း ဆွမ်းခံကြွလေရာ ရှင်
ဒေဝဒတ်က အရက်ကိုးမောင်းမူးအောင်တ်ိုက်ထား
သော နာဠာဂီရိဆင်ကြီးသည် ဘုရားရှင်ရှိရာသို့ပြေး
လာရာ သားငယ်မိခင်တစ်ယောက်သည် ကလေးကို
ချ၍ ထွက်ပြေးရာနောက်သို့ လိုက်လေသည်။ထိုအခါ
ဘုရားရှင်က ရောင်ခြည်တော်ခြောက်သွယ်ကွန့်မြူ း
စေပြီး မဟာဂရုဏာတော်ဖြင့်မေတ္တာပို့လွှတ်ရာ ပြေး
နေရာမှ ဆင်ဆိုးကြီးအမူးပြေကာ ဘုရားရှင်ရှေ့တွင်
ဒူးထောက်ဝပ်ချရှိခိုးလေသည်။
(၈)အဋ္ဌမ ဝိပါတ်တော်
°°°°°°°°°°°°°°°°°°°°
မေး။ ကျောက်လွှာခတ်လို့ သွေးဓါတ်ဆူပူ ခြေမ
တော်ဦး ထွတ်ဖူးဆူဆူ သွေးညိုကိန်းလို့
ကျိန်းစက်တော်မူ ဇီဝက ခွဲရဘယ်ဝဋ်ဟူ။
ဖြေ။ ပဒေသရာဇ် မင်းဖြစ်စဉ်ဝယ် မူးယစ်သောက်
စားဖောက်ပြားမဖွယ် လူရှင်လတ်လတ် ထိုး
သတ်ပြန်တယ် ဓါးဝိပါတ် အဆက်သူကနွယ်
အတိတ်ဘဝ ဘုရင်ဧကရာဇ်မင်းမြတ်ဖြစ်ခဲ့စဉ်က
မူးယစ်သောက်စားပျော်ပါးကာ လူစိတ်ကင်းမဲ့ပြီး သတိ
လက်လွတ်ဖြစ်ကာ အပြစ်မဲ့သောမင်းမှု့ထမ်းတစ်ဦးကို
ဓါးဖြင့်ထိုးသတ်ခဲ့လေသည်။ထို့ကြောင့်ကျောက်လွှာထိ
မှန်သော ခြေမတော်တွင် သွေးစိမ်းတည်ကာ သွေးပုပ်
ပြည်ပုပ်တို့ကြောင့် ကိုက်ခဲနာကျင်မှု့ကို ပျောက်ကင်း
အောင် သမားတော်ဇီဝက ကဓားဖြင့်ခွဲထုတ်ပေးခြင်း
ခံရလေသည်။
(၉) နဝမ ဝိပါတ်တော်
°°°°°°°°°°°°°°°°°°°°
မေး။ သုံးလူ့ထွဋ်ဖူး မြိုက်မှုးသျှောင်ကေ ရံဖန်ခါလဲ
ခေါင်းခဲကာနေ ဝေဒနာဝဋ် မလွတ်ပါချေ
ဘယ်ဝိပါတ်အဆက်ပါခဲ့ပေ။
ဖြေ။ ရှေးခါကပ်ဟောင်း မကောင်းကံဆော် တံငါ
မျိုးဇာတ် ဖြစ်လတ်ပါသော် ငါးတို့ဦးခေါင်းထု
ထောင်းင်ြပျော် ဝမ်းမြောက်မိ လိုက်သည့်
ဝိပါတ်တော်။
နုစဉ်ဘဝ တံငါသည်မိသားစုတွင် ကေဝဋ် အမည်
ရသူဖြစ်ခဲ့သည်။မိဘဆွေမျိုးများက ဖမ်းဆီးရမိပြီးငါးများ
ကိုပြန်ရောင်းရန် ခေါင်းကိုထုသတ်နေသည်ကို အနီးမှ
ရပ်ကြည့်ကာ ဝမ်းသာအားရကြေနပ်နေခဲ့ဖူး၏။ယင်း
မနောကံဝဋ်ကြွေးကြောင့် ဘုရားဖြစ်သောအခါ ရံဖန်ရံ
ခါ ခေါင်းတော် ကိုက်ခဲခြင်းဝေဒနာကို ခံစားရလေသည်။
(၁၀) ဒဿ မ ဝိပါတ်တော်
°°°°°°°°°°°°°°°°°°°°°°°
မေး။ ဝါတော်ကပ်သော် မာရ်နတ်နှိုးဆော် ဝေရဉ္ဇာ
တိုင်း သမိုင်းအကျော် မုယောဆွမ်းမို့ ကြမ်း
တမ်းထော်ထော် ဘုန်းပေးရ ရှေးကဘယ်
ဝဋ်နော်။
ဖြေ။ မထင်မရှား မျိုးသားဖြစ်တုံ ရဟန်းတော်များ
ဆွမ်းစားခိုက်ကြုံ ဆွမ်းကြမ်းစားဟု ပြစ်မှား
ဆိုပုံ ဝစီထွက်ဝိပါတ်တော်တဲ့ယုံ။
မထင်မရှားနုစဉ်ဘဝက ကဿ ပ ဘုရားရှင်၏
တပည့်သာဝကများကို “သလေးဆန်ကောင်းကိုမစား
ကြနဲ့ မုယောဆန်ကြမ်းကိုသာစားကြ”ဟုအပြစ်တင်
ပြောဆိုခဲ့ရာ ယခုဘဝတွင် ဝေရဉ္ဇာပြည်တွင် ရဟန်း
တော် ၅၀၀ နှင့်အတူဝါဆိုတော်မူစဉ် မာရ်နတ်၏ဝင်
ရောက်နှောင့်ယှက်မှု့ကြောင့် တိုင်းသူပြည်သားများ
ဆွမ်းလောင်းရန်မေ့လျော့နေကြလေသည်။ထိုအခါ
မြင်းကုန်သည်တို့က မြင်းကိုကျွေးသည့် မုယောဆွမ်း
ဖြင့်သာတစ်ဝါတွင်းလုံး ဘုန်းပေးသုံးဆောင်ခဲ့ရသည်။
(၁၁) ဧက ဒဿ မ ဝိပါတ်တော်
°°°°°°°°°°°°°°°°°°°°°°°°°°°°
မေး။ အထွဋ်ဆုံးဟု သုံးလူ့မျက်မှန် ခါးတော်ကိုက်ခဲ
အသည်းအသန် ဝေဒနာအား ခံစားရံဖန် ဘယ်
အကြောင်း ကံဟောင်းထုတ်လို့ပြန်။
ဖြေ။ လက်ဝှေ့သတ်ကောင်း အလောင်းကျော်မော်
ပြိုင်ပွဲဆိုင်လည်း နိုင်မြဲထင်ပေါ် နိုင်လျှင်ခါးရိုး
ရိုက်ချိုးမြေပေါ် အသတ်ကောင်းဇာတ်ဟောင်း
ဝိပါတ်တော်။
ဗာရာဏသီပြည်တွင် ဝါမနအမည်ရှိ လက်ဝှေ့အ
ကျော်အမော်တစ်ဦးဘဝတွင် သူ၏ပြိင်ဘက်များကိုအ
နိုင်ထိုးကာ ခါးရိုးကိုမြေဖြင့်ရိုက်ချိုးကာလဲကျအောင်သတ်
ပုတ်ခဲ့သဖြင့် ဘုရားဖြစ်သောအခါ ရံံဖန်ရံခါ ခါးတော်
ကိုက်ခဲခြင်းဝေဒနာကို အပြင်းအထန်ခံစားရလေသည်။
(၁၂) ဒွါဒဿ မ ဝိပါတ်တော်
°°°°°°°°°°°°°°°°°°°°°°°°°
မေး။ ဆဒ္ဒန်ဆယ်စီး အားကြီးလျင်မြန် ဝမ်းတော်
သွန်ငြား ရွှေအားမသန် ခွေယိုင်နွမ်းကာ မြန်း
ခဲ့နိဗ္ဗာန် ဖြေစေကြောင်း ကံဟောင်းသိစေရန်။
ဖြေ။ ရောဂါကုစား သမားဥာဏ်ကျယ် ရှင်သူဌေး
သား ဆေးကုရာဝယ် ခမပေးလို့ ဟိုရှေးခါ
မယ် ဝမ်းလားဆေး တိုက်ကျွေးဝဋ်ဟောင်း
သွယ်။
ရှေးဘဝက ကျွမ်းကျင်သော ဆေးဆရာတစ်ဖြစ်ရာ
ဘဝ၌ သူဌေးသားတစ်ဦးကိုဆေးကုသပေးခဲ့သည်။
ရောဂါပျောက်ကင်းသောလည်း မပျောက်သေးဟုပိုက်
ဆံမပေးလိုသဖြင့် လိမ်ညာပြောရာ ဆေးတစ်ခွက်စာ
ကျန်သေးသည်ဟုဆိုကာ ပြင်းထန်သောဝမ်းနှုတ်ဆေး
ကိုတိုက်ကျွေခဲ့ရာ သူဌေးသားလည်းဝမ်းအသွားလွန်၍
သေဆုံးလေသည်။ထို့ကြောင့် စုန္ဒဒကာ၏ဤဆွမ်းကို
ဘုန်းပေးတော်မူပြီးနောက် ဝမ်းတော်လားလေရာ သ
မားတော်ဇီဝက ကဆေးတိုက်သော်လည်း”ဇီဝကသင့်
ဆေးတွေသောက်သော်လည်း အကျိုးမထူးတော့ပေ
ရှေးဝိပါတ်ကြုံလာခဲ့ပေပြီ”ဟုတားမြစ်ကာ ပရိနိဗ္ဗာန်
ပြုတော်မူခဲ့လေသည်။
– ဝိပါတ်တော်ရေး ကြောက်သွေးတုန်ဖွယ်
ဘုရားသော်လည်း ရှောင်လွှဲမဖယ်
တွေ့ကြုံမြဲမို့ တဝဲလည်လည်
မလွတ်သေး ဝဋ်ကြွေး ခက်လှတယ်။

• ကြင်နာထောက်ထား သနားမျှော်ခေါ်
  ကုသိုလ်ပွားမှု့ အားပြုကြသော်
  ညှင်းပမ်းနှိပ်စက် ကံရမ်းပျက်ချော်
  ရှောင်ကြဉ်ရေး ဝဋ်ကြွေးစင်ဖို့မျှော်။ ။
  { ထေရ အပဒါန် ပါဠိတော် မှ }

ပဋ္ဌာန်း ဒေသနာကို မှန်မှန် ရွတ်ခြင်း၏ အကျိုးများ
++++++++++++++++++++++++++++++
ပဋ္ဌာန်း မှန်မှန် ၊ နှစ်ရှည် ရွတ်ခြင်း ၏ အကျိုးများကို ယုတ္တိ သဘောဖြင့် ဆင်ခြင်ကြည့်ခြင်း …

ပဋ္ဌာန်းရွတ်တယ် ဆိုတာ ပဋ္ဌာန်း ပစ္စယ ဥဒေသ နဲ့ ပစ္စယ နိဒေသ တို့ ကို ရွတ် ဆိုတာ ကိုဆိုလိုပါတယ်။ မြတ်စွာဘုရား ဟော ကြား ခဲ့တဲ့ ပဋ္ဌာန်းဒေသနာကို အရှင်သာရိပုတ္တရာ က မကျဉ်းမကျယ် ပြန် ဟော ထားတဲ့ ပဋ္ဌာန်း ၅ ကျမ်းကိုတော့ မြည်သံမစဲ ပဋ္ဌာန်းပွဲ ဆိုပြီး ရွတ် ဆိုကြတာလည်းရှိပါတယ်။ ကိုယ့် တစ်နိုင်တစ်ပိုင် ကတော့ ပဋ္ဌာန်း ပစ္စယ ဥဒေသ နဲ့ ပစ္စယ နိဒေသ ကို ပဲ ရွတ်ကြပါတယ်။ အသံမှန် နဲ့ ရွတ်ရင် နာရီ ဝက်လောက် အလုပ်လုပ်ရပါတယ်။ အသံထွက်ပြီး ရွတ်ရပါတယ်။ အဓိပ္ပါယ် နားမလည်ခင်ပဋ္ဌာန်းရွတ် တဲ့အခါ …. စိတ်ထဲ မှာ ရှိနေသင့်တာက … အော် …….. မြတ်စွာဘုရား ဟောခဲ့ တဲ့ တရားကို ငါလိုက်ဆိုနေတာပါလား။ တရားဓမ္မကို ရွတ်ဖတ်ခြင်း ဖြင့် ဘုရား ကို ဓမ္မဖြင့် ငါ ပူဇော် နေတာပါလား ဆိုတဲ့ အသိ တရား (သတိတရား) နဲ့ ရွတ်ကြပါတယ်။

ရွတ်ဆိုနေရာမှာ လည်း အသံထွက် မမှားရအောင် ၊ တရားအစီအစဉ် မလွဲရအောင် ၊ တလေးတစား နဲ့ ရွတ်ရပါတယ်။ နေ့စဉ်မှန်မှန်ရွတ်တော့ ဘာအကျိုးရှိသလဲ ဆိုတာ ယုတ္တိ သဘောနဲ့ ဆင်ခြင် ကြည့်တော့ …

(၁) နေ့စဉ် ကောင်းမှု ကုသိုလ် တစ်ခု ကို အာစိန္နကံ အားထုတ် ရာရောက်ပါတယ်။ နေ့စဉ် တစ်လ နှစ်လ လောက်ရွတ် ယုံနဲ့ မထူးခြားပေမယ့် .. နေ့စဉ် မှန်မှန် ၁၀ နှစ် အနှစ် ၂၀ ရွတ် လာတဲ့ လူအတွက် ကျတော့ …. ကုသိုလ်တွေစုမိသလို ဖြစ်လာပါတယ်။

(၂) နေ့စဉ် မှန်မှန် နှစ်ချီ ရွတ်လာတော့ အလေ့အကျင့် ဖြစ်လာပါတယ်။ ကျင့်သားရနေတော့ အရေးအကြောင်းဆို ပါးစပ်က ပဋ္ဌာန်းဒေသနာ ကို အလိုလို ရွတ် မိလျှက်သား ဖြစ်နေတတ်ပါတယ်။ လောကဒဏ် နဲ့ မမျှော်လင့်ပဲရင်ဆိုင်ရတဲ့ အခါမှာ … ကြောက်ရွံ့ခြင်း၊ ဒေါသ ဖြစ်ခြင်း စတာတွေ ထက် …. ပဋ္ဌာန်းတရား ပေါ် အာရုံရောက်သွားပြီး၊ အကုသိုလ် ဖြစ်ရမယ့်နေရာမှာတောင် ကုသိုလ် ဖြစ်ဖြစ် နေတတ်ပါတယ်။

(၃) တစ်နေ့ တစ်ခါ ရွတ် ဆိုနေကျကို … တစ်နေ့ရွတ်ဆိုပြီးသွားတိုင်း ….. အော်… ဒီနေ့တော့ ငါ ပြုနေကျ ကုသိုလ် ကောင်းမှု တစ်ခု … တစ်နေ့စာ အောင်မြင် ပြီးမြောက်ခဲ့ပြန်ပြီ ဆိုတဲ့ … ကျေနပ်တဲ့စိတ် ၊ ဝမ်းမြောက် တဲ့ စိတ်ဟာလည်း … ကျန်တစ်နေ့တာ လုံးကို စိတ်ထဲ လမ်းဆမ်းစေဖို့ အထောက်အကူ ပြုနိုင်ပါတယ်။

(၄) တစ်နေ့ နာရီဝက်လောက် မပျက်တမ်း နှစ်ရှည် ရွတ်လာ တာ…. ကြာတော့လည်း ….. ရေစက်ကလေးတွေ စုလာတော့ .. ရေအိုးပြည့်သလိုပါပဲ ။ ကိုယ့် သဏ္ဍန်မှာ ဓမ္မနဲ့ ပူဇော် ရတဲ့ ကုသိုလ်တွေ ပြည့်နေတော့ …. ဘဝ အဆက်ဆကိက ပြုခဲ့တဲ့ အကုသိုလ်တွေ၊ ယခုအခါ အမှတ်တမဲ့ ပြုလိုက်မိတဲ့ အကုသိုလ်တွေ ဟာ အကျိုးပေးခွင့်အလားအလာ နည်းပါးလာပြီး။ ဘဝ အဆက်ဆက်က ပြုခဲ့တဲ့ ကုသိုလ်တွေ။ ယခု ပြုလိုက်တဲ့ တခြားကုသိုလ်တွေ ဟာ တော့ အကျိုးပေးဖို့ အခွင့်သာ လာပါလိမ့်မယ်။

(၅) သေခါ နီးပြီဆိုပါစို့ ၊ မိသားစု ထဲက တစ်ယောက်ယောက်လောက်က ပဋ္ဌာန်း ရွတ်သံကလေး ပေးလိုက်တယ် ဆိုပါစို့ ။ ကိုယ်ကနှစ်ရှည် အလေ့အကျင့်ကောင်းကောင်း ရှိထားတယ် ဆိုရင် စုတိစိတ်ဖြစ်ခါနီး ကလေး မှာ ၊စိတ်က ပဋ္ဌာန်းဒေသနာကို စွဲ ပြီး သေရတော့ … အပါယ် ကျဖို့ မဖြစ်နိုင်။ သုဂတိ ဘဝ ကိုရဖို့ က သေခြာသွားပြန်ရော။

(၆) ဒီဘဝ ပဋ္ဌာန်း နှစ်ရှည် မှန်မှန် ရွတ် ထားတဲ့ ပါရမီ ကောင်း က ရှိနေတော့ ၊နောက်ဘဝ ကျပြန်တော့ ဥာဏ်ကောင်းတဲ့ သူ ဖြစ်ပါတယ်။ ဆက်ပြီး ရွတ်ရင်း ဆင်ခြင် သုံးသတ်ပြီး အကျွတ်တရားတောင်ရနိုင်ပါတယ်။

ယခုတင်ပြပြီးသမျှ ဖြစ်နိုင်တဲ့ အကျိုးကျေးဇူးတွေ ကိုကြည့်ရင် … ပဋ္ဌာန်း ဒေသနာ ရဲ့ အဓိပ္ပါယ် နားလည် စွာ နဲ့ ရွတ်တာ တောင် မဟုတ်သေးပါ။ –
Credits to Myo Nyunt > ပဋ္ဌာန်းတရားကို လေ့လာသင်ယူခြင်း★ ပဠာန်း ( ၂၄ ) ပစ္စည်း အကျယ် ၊

★ ပစ္စယနိဒ္ဒေသ ၊

★ အလွယ် ၊ အလွယ် ကျက်မှတ်နည်း

ပဌာန်း ၂၄ ပစ္စည်း အနက် အဓိပ္ပါယ် နှင့် ပဌာန်းမေတ္တာပို့

ဟေတုပစ္စယော = ဟိတ်ခြောက်ပါးဖြစ်၍ ပစ္စယုပ္ပန်တရားတို့အား အမြစ်သဖွယ် ကျေးဇူးပြုတတ်သော တရားလည်းကောင်း။
(ရေသောက်မြစ်လျှင်၊ ယင်းသစ်ပင်ကို၊ စည်ပင်စေမှု၊ ကျေးဇူးပြု၊ ဟေတုပစ္စည်းခေါ်)

အာရမ္မဏပစ္စယော = အာရုံခြောက်ပါးဖြစ်၍ ကျေးဇူးပြုတတ်သော တရားလည်းကောင်း။
(တောင်ဝှေးကြိုးတန်း၊ သူမစွမ်းကို၊ မပန်းစေရစေ၊ ထိုင်ထစေမှု၊ ကျေးဇူးပြုပြန်၊ အာရမ္မဏခေါ်)

အဓိပတ္တိပစ္စယော = အကြီးအမှူးဖြစ်၍ ကျေးဇူးပြုတတ်သော တရားလည်းကောင်း။
(စကြာမင်းရှင်၊ အုပ်စိုးသွင်သို့၊ ပြိုင်ရှင်မရှိ၊ စိုးအုပ်ဘိ၊ အဓိပတိခေါ်)

အနန္တရပစ္စယော = အခြားမဲ့ (တဆက်တည်း အကြားမရှိ) ဖြစ်၍ ကျေးဇူးပြုတတ်သော တရားလည်းကောင်း။
(စကြာမင်းဖျား၊ နတ်ရွာလားသော်၊ သားကြီးနန်းရ၊ ဖြစ်ရပမာ၊ ခြားရာမရှိ၊ ကျေးဇူးရှိ)

သမနန္တရပစ္စယော = ကောင်းစွာ အခြားမဲ့ (တဆက်တည်း အကြားမရှိ) ဖြစ်၍ ကျေးဇူးပြုတတ်သော တရားလည်းကောင်း။
(စကြာမင်းဖျား၊ တောထွက်သွားသော်၊ သားကြီးနန်းရ၊ ဖြစ်ရပမာ၊ ခြားရာမရှိ၊ ကျေးဇူးရှိ)

သဟဇာတပစ္စယော = အတူတကွ ဖြစ်၍ ကျေးဇူးပြုတတ်သော တရားလည်းကောင်း၊
(ဆီမီးတောက်သော်၊ အလင်းပေါ်သို့၊ ထို့တူတသီး၊ ပစ္စည်းပစ္စယုပ္ပန်၊ အတူဖြစ်ဟန်ကို)

အညမညပစ္စယော = အချင်းချင်းအပြန်လှန် ကျေးဇူးပြုတတ်သော တရားလည်းကောင်း၊
(သစ်သားသုံးခွ၊ ချင်းချင်းမသို့၊ အညမညံ၊ ပြန်လှန်သမှု၊ ကျေးဇူးပြု)

နိဿယပစ္စယော = မှီရာဖြစ်၍ ကျေးဇူးပြုတတ်သော တရားလည်းကောင်း၊
(သစ်ပင်တည်ရာ၊ မြေပမာလျှင်၊ မှီရာတည်မှု၊ ကျေးဇူးပြု)

ဥပနိဿယပစ္စယော = အားကြီးသော အကြောင်းဖြစ်၍ ကျေးဇူးပြုတတ်သော တရားလည်းကောင်း။
(မိုးကြီးပမာ၊ သတ္တဝါတွေ၊ တည်နေနိုင်မှု၊ ကျေးဇူးပြု၊ ဥပနိဿယခေါ်)

ပုရေဇာတပစ္စယော = ရှေး၌ ဖြစ်နှင့်၍ ကျေးဇူးပြုတတ်သော တရားလည်းကောင်း။
(ကမ္ဘာဦးက၊ နေနှင့်လသို့၊ ရှေ့ကဖြစ်လာ၊ နောက်ကဖြစ်လာသည့်၊ တရားစုစု၊ ကျေးဇူးပြု)

ပစ္ဆာဇာတပစ္စယော = နောက်၌ဖြစ်၍ ကျေးဇူးပြုတတ်သော တရားလည်းကောင်း။
(လင်းတငယ်သော်၊ အစာမျှော်သို့၊ နောက်ပေါ်လာသည့်၊ ပစ္စည်းတရားစု၊ ကျေးဇူးပြု)

အာသေဝနပစ္စယော = အဖန်တလဲလဲ မှီဝဲထုံအပ်သည်ဖြစ်၍ ကျေးဇူးပြုတတ်သော တရားလည်းကောင်း။
(ရှေးရှေးထုံထား၊ နံ့သာလားသို့၊ ရှေ့ဖျားကျမ်းဂန်၊ လေ့လာသန်လပ်၊ နောက်ထပ်ကျမ်းဂန်၊ အမြင်သန်သည်၊ ဧကန်အာသေဝနသဘောတည်း။)

ကမ္မပစ္စယော = အကြောင်းကံဖြစ်၍ ကျေးဇူးပြုတတ်သော တရားလည်းကောင်း။
(မျိုးစေ့အလား၊ ပမာထား၍၊ နှစ်ပါးသောကံ၊ အခြေခံကာ၊ ဝေဘန်သမှု၊ ကျေးဇူးပြု)

ဝိပါကပစ္စယော = အကျိုးဖြစ်၍ ကျေးဇူးပြုတတ်သော တရားလည်းကောင်း။
(ချမ်းရိပ်နားနေ၊ သွန်းလေပြေသို့၊ ကံနေအလား၊ အဖြစ်များမှု၊ ကျေးဇူးပြု)

အာဟာရပစ္စယော = ထောက်ပံ့ ခိုင်ခံစေတတ်သည်ဖြစ်၍ ကျေးဇူးပြုတတ်သော တရားလည်းကောင်း။
(အိမ်ကို ကျားကန်၊ ဖြစ်ရဟန်သို့၊ သဏ္ဍာန်တူစွ၊ ထောက်ပံ့မသည့်၊ အာဟာရဖြစ်မှု၊ ကျေးဇူးပြု။)

ဣနြ္ဒိယပစ္စယော = အစိုးရသည်ဖြစ်၍ ကျေးဇူးပြုတတ်သော တရားလည်းကောင်း။
(မိမိဆိုင်ရာ၊ ကိစ္စမှာလျှင်၊ ကောင်းစွာစိုးရ၊ ဖြစ်ရစင်စစ်၊ ပဒေသရာဇ်၊ စိုးအုပ်လှစ်သို့)

စျာနပစ္စယော = ကမ္မဋ္ဌာန်းအာရုံသို့ကပ်၍ စူးစူးစိုက်စိုက် ရှုတတ်သည်၏ အဖြစ်ဖြင့် ကျေးဇူးပြုတတ်သော တရားလည်းကောင်း။
(သစ်ပင်တောင်ငူ၊ တတ်သသူသည်၊ အောက်သူတို့အား၊ ကြည့်ပြောငြားသို့။)

မဂ္ဂပစ္စယော = သံသရာမှ ထွက်မြောက်ကြောင်းနည်းလမ်းဖြစ်၍ ကျေးဇူးပြုတတ်သော တရားလည်းကောင်း။
(ပမာကူသို့၊ ဆောင်ယူပို့သို့၊ ထို့တူနိဗ္ဗာန်၊ ရောက်ကြောင်းမှန်ပြု၊ ကျေးဇူးပြု။)

သမ္ပယုတ္တပစ္စယော = ယှဉ်သည်ဖြစ်၍ ကျေးဇူးပြုတတ်သော တရားလည်းကောင်း။
(စတုမဓူ၊ ရောသည့်တူပေ၊ စိတ်စေနှစ်ပါး၊ ခွဲခြားမရ၊ ယှဉ်ကြသမှု၊ ကျေးဇူးပြု။)

ဝိပယုတ္တပစ္စယော = မယှဉ်သည်ဖြစ်၍ ကျေးဇူးပြုတတ်သော တရားလည်းကောင်း။
(ရသခြောက်ပါး၊ ရောစပ်ထားသို့၊ ခြားနားမတူ၊ ဖြစ်ဟန်မူသို့၊ ထို့တူမခြား၊ ကျေးဇူးပြု။)

အတ္ထိပစ္စယော = ထင်းရှားရှိဆဲဖြစ်၍ ကျေးဇူးပြုတတ်သော တရားလည်းကောင်း။
(မြင့်မိုရ်မြေကြီး၊ ထောက်ပံ့နည်းသို့၊ ပစ္စည်းသတ္တိ၊ ကျေးဇူးရှိ၊ အတ္ထိပစ္စည်းခေါ်။)

နတ္ထိပစ္စယော = မရှိသည်ဖြစ်၍ ကျေးဇူးပြုတတ်သော တရားလည်းကောင်း။
(ငြိမ်းသေလေပြီး၊ ဆီမီးတန္တု ကျေးဇူးပြုသို့၊ ထို့တူမှတ်ဘိ၊ မရှိသမှု၊ ကျေးဇူးပြု။)

ဝိဂတပစ္စယော = ကင်းမဲ့ချူပ်ပျောက်သည်ဖြစ်၍ ကျေးဇူးပြုတတ်သော တရားလည်းကောင်း။
(နေရောင်ပျောက်ကင်း၊ လရောင်လင်းသို့၊ ချုပ်ကင်းလေမှု၊ ကျေးဇူးပြု။)

အဝိဂတပစ္စယော = မကင်းသည်ဖြစ်၍ ကျေးဇူးပြုတတ်သော တရားလည်းကောင်း။
(သမုဒ္ဒရာ၊ ငါးပျော်ရာသို့၊ မကင်းသောအား၊ ယင်းတရားစု၊ ကျေးဇူးပြု။)

ဣတိ၊ ဤသို့။ စတုဝီသတိ ပစ္စယာ၊ နှစ်ဆယ့်လေးပစ္စည်းတို့သည်။ မဟာပကရဏေ၊ အနန္တနယ သမန္တ မဟာပဋ္ဌာန်းကျမ်းကြီး၌။ ဌိတာ၊ တည်ကုန်သည်။ ဟောန္တိ၊ ဖြစ်ကုန်၏။

ပဌာန်းအနက်အဓိပ္ပါယ်ကို ပုံပြကြည့်ရန်အောက်ပါလင့်ကိုနှိပ်ပါ…။

ပဌာန်းမေတ္တာပို့
+++++++++

၁။ ဟေတုပစ္စယော – သတ္တဝါအားလုံး- မကောင်းသော လောဘ၊ဒေါသ၊မောဟ အကုသိုလ်ဟိတ်တရားတို့ကို ပယ်ရှားနိုင်ကြ၍ ကောင်းမြတ်သော အလောဘ၊ အဒေါသ (မေတ္တာ)၊အမောဟ (ပညာ) ကုသိုလ်ဟိတ် တရားတို့သာ အမြစ်သဖွယ် ကိန်းတည်ကြပြီးကောင်းမြတ်သော စိတ်၊ စေတသိက်၊ ရုပ် တရားတို့သာနိဗ္ဗာန်ထိတိုင် တိုးတက်ဖြစ်ထွန်းနိုင်ကြပါစေ။

၂။ အာရမ္မဏပစ္စယော- သတ္တဝါအားလုံး- မကောင်းသော ရူပါရုံ၊သဒ္ဒါရုံ၊ ဂန္ဓာရုံ၊ ရသာရုံ၊ဖောဋ္ဌဗ္ဗာရုံ၊ဓမ္မာရုံတို့နှင့ မတွေ့ကြုံကြဘဲ ကောင်းမြတ်သော အာရုံများနှင့်သာ တွေ့ကြုံကြ၍ ကောင်းမြတ်သော အကျိုးတရားတို့ကိုသာ ရရှိခံစားနိုင်ကြပါစေ။

၃။ အဓိပတိပစ္စယော – သတ္တဝါအားလုံးတို့၏ သန္တာန်၌ မထက်မြက်သော ညံ့သောဆန္ဒ၊ ဝီရိယ၊ စိတ်၊ပညာ တရားတို့ အကြီးအမှူးဦးစီးဦးဆောင်မပြုကြဘဲ ထက်မြက်သော ကောင်းသော ဆန္ဒ၊ဝီရိယ၊စိတ်၊ပညာ တရားတို့သာ အကြီးအမှူးဦးစီးဦးဆောင်ပြုကြလျက် အလွန်အကြူးအထူးကြီးကျယ် မြင့်မြတ်သော အကျိုးတရားတို့သာရရှိခံစားနိုင်ကြပါစေ။

၄။ အနန္တရပစ္စယော – သတ္တဝါအားလုံး-မကောင်းသောစိတ်၊စေတသိက်(နာမ်) တရားတို့ အကြားအလပ်မရှိ ဆက်ကာ ဆက်ကာမဖြစ်ကြဘဲ၊ ကောင်းမြတ်သောစိတ်၊ စေတသိက်(နာမ်) တရားတို့သာ အကြားအလပ်မရှိ စဉ်ဆက်မပြတ် ဆက်ကာ ဆက်ကာ ဖြစ်ပွားနိုင်ကြပါစေ။

၅။ သမနန္တရပစ္စယော- သတ္တဝါအားလုံး-မကောင်းသောစိတ်၊စေတသိက်(နာမ်) တရားတို့ (ကောင်းစွာ) အကြားအလပ်မရှိ ဆက်ကာဆက်ကာ မဖြစ်ကြဘဲ၊ကောင်းမြတ်သောစိတ်၊စေတသိက်(နာမ်) တရားတို့သာ (ကောင်းစွာ) အကြားအလပ်မရှိ စဉ်ဆက်မပြတ် ဆက်ကာဆက်ကာဖြစ်ပွားနိုင်ကြပါစေ။

၆။ သဟဇာတပစ္စယော – သတ္တဝါအားလုံး -မကောင်းသော ရုပ်၊နာမ်တရားများအတူတကွ မဖြစ်ကြဘဲ ကောင်းသော ရုပ်၊နာမ်တရားများသာ အတူတကွ ဖြစ်နိုင်ကျေးဇူးပြုနိုင် ကြပါစေ။

၇။ အညမညပစ္စယော- သတ္တဝါအားလုံး- မကောင်းသော ရုပ်၊နာမ်တရားများနှင့်အချင်းချင်းယှဉ်တွဲ၍ အပြန်အလှန် ကျေးဇူးမပြုကြဘဲကောင်းမြတ်သော ရုပ်၊ နာမ်တရားများတို့နှင့်သာ အချင်းချင်းယှဉ်တွဲ၍ အပြန်အလှန် ကျေးဇူးပြုမှုကို ခံစားနိုင်ကြပါစေ။

၈။ နိဿယပစ္စယော – – သတ္တဝါအားလုံး- မကောင်းသော ရုပ်၊နာမ်တရားတို့၌မှီ၍ မဖြစ်ကြဘဲ၊ကောင်းမြတ်သော ရုပ်၊နာမ်တရားတို့၌သာ အမှီပြု၍ ကောင်းကျိုးအမျိ ုးမျိုးတို့ကိုသာခံစားနိုင်ကြပါစေ။

၉။ ဥပနိဿယပစ္စယော – သတ္တဝါအားလုံး- မကောင်းသော ပညတ်၊နာမ်၊ ရုပ် တရားတို့နှင့် မကောင်းသော မိဘ၊ မကောင်းသော ဆရာ၊မိတ်ဆွေ၊ရာသီဥတု၊ နေရာထိုင်ခင်း၊ အစားအသောက်တို့၌အားကြီးသော မှီရာအဖြစ် အမှီမပြုကြရဘဲ ကောင်းသော ပညတ်၊နာမ် ရုပ် တရားများနှင့်ကောင်းမြတ်သော မိဘ၊ဆရာ၊ မိတ်ဆွေ၊ ရာသီဥတု၊နေရာထိုင်ခင်း၊အစားအသောက်တို့၌ သာအားကြီးသောမှီရာအဖြစ် မှီကြရ၍ ကောင်းကျိုး အမျိုးမျိုးတို့ကိုသာခံစားရရှိနိုင်ကြပါစေ။

၁၀။ ပုရေဇာတပစ္စယော- သတ္တဝါအားလုံး-မကောင်းသော အာရုံ၅ ပါးရုပ်တရား၊ဝတ္ထုရုပ်တရားများ ရှေးဦးကြိုတင်မဖြစ်ကြဘဲ ကောင်းမြတ်သော အာရုံ၅ ပါး ရုပ်တရားများ၊ဝတ္ထု ရုပ်တရားများသာ ရှေးဦးကြိုတင် ဖြစ်နှင့်ကြ၍ ကောင်းမြတ်သော ကုသိုလ်တရား၊ အကျိုးဝိပါတ်တရားတို့သာ တိုးပွားဖြစ်ထွန်းနိုင်ကြပါစေ။

၁၁။ ပစ္ဆာဇာတပစ္စယော – သတ္တဝါအားလုံးတို့၏ ဖြစ်နှင့်ပြီးသောရှေးရှေးရုပ်တရားအားနောက်နောက်မှ ဖြစ်သော နာမ်တရားများကကျေးဇူးပြုရာတွင် မကောင်းသော အကုသိုလ်နာမ်တရားတို့၏ ကျေးဇူးပြုမှုကို မခံကြရဘဲ ကောင်းမြတ်သော ကုသိုလ်၊အဗျာကတ နာမ်တရားတို့၏ ကျေးဇူးပြုမှုကိုသာခံယူနိုင်ကြပါစေ။

၁၂။ အာသေဝနပစ္စယော – သတ္တဝါအားလုံး-မကောင်းသော အကုသိုလ်တရားများအဖန်တလဲလဲ ထုံခြင်းသဘောဖြင့်ထပ်ကာ ထပ်ကာ မဖြစ်ပွားကြဘဲ ကောင်းမြတ်သောကုသိုလ်တရားကြိယာအဗျာကတ တရားတို့သာ မဂ်ဖိုလ်နိဗ္ဗာန်တိုင်ထိ အဖန်တလဲလဲထုံခြင်းဖြင့်ထပ်ကာထပ်ကာ ဖြစ်ပွားနိုင်ကြပါစေ။

၁၃။ ကမ္မပစ္စယော -သတ္တဝါအားလုံး- မကောင်းသော စေတနာကံတရားတို့ကိုမပြုလုပ်ဖြစ်ကြဘဲ၊ ကောင်းမြတ်သောစေတနာကံတရားတို့ကိုသာ ပြုလုပ်ဖြစ်ကြ၍ ယခုဘဝနောင်ဘဝ နိဗ္ဗာန်တိုင်ထိ ကောင်းကျိုးအဆက်ဆက်တို့ကိုသာခံစားရရှိနိုင်ကြပါစေ။

၁၄။ ဝိပါကပစ္စယော – သတ္တဝါအားလုံး- ကောင်းမြတ်သော အကျိုးတရားတို့ကိုသာအဆက်မပြတ် ရရှိပိုင်ဆိုင်ကြ၍ ထိုမှတဆင့် ကောင်းမြတ်သော အကျိုးတရားအမျိုးမျိုးတို့ ကိုသာနိဗ္ဗာန်တိုင်ထိ ထပ်ကာထပ်ကာ ရရှိခံစားနိုင်ြ ကပါစေ။

၁၅။ အာဟာရပစ္စယော – သတ္တဝါအားလုံး-ရရှိထားကြသော နာမ်ရုပ်ခန္ဓာကြီးအားမကောင်းသော ရုပ်အာဟာရ သြဇာဓာတ်များ၊မကောင်းသော နာမ်အာဟာရ ဓာတ်များဖြင့်အထောက်အပံ့မပြုကြဘဲ ကောင်းမြတ်သောရုပ် နာမ်အာဟာရဓာတ် တို့ဖြင့်သာ အထောက်အပံ့ပြုဖြစ်ကြ၍ နိဗ္ဗာန်ကိုလွယ်ကူစွာ မျက်မှောက်ပြုနိုင်ကြပါစေ။

၁၆။ ဣနြ္ဒိယ ပစ္စယော – သတ္တဝါအားလုံး- မကောင်းသော ရုပ်နာမ်တရားတို့၏ လွှမ်းမိုးအုပ်ချုပ် ချယ်လှယ်မှုကို မခံကြရဘဲ ကောင်းမွန်သော ရုပ်နာမ်တရားတို့၏ လွှမ်းမိုးအုပ်ချုပ် ချယ်လှယ်မှုတို့ကိုသာနိဗ္ဗာန်တိုင်ထိ ရရှိခံစားနိုင်ကြပါစေ။

၁၇။ စျာနပစ္စယော- သတ္တဝါအားလုံး- မကောင်းသော အကုသိုလ်တရားတို့၌စူးစူးစိုက်စိုက်အာရုံမပြုဖြစ်ကြဘဲ ကောင်းမြတ်သောကုသိုလ်တရားတို့၌သာ စူးစူးစိုက်စိုက အာရုံပြုနိုင်ကြ၍ နိဗ္ဗာန် တိုင်ထိ ကောင်းကျိုးတရားတို့ကို ရရှိနိုင်ကြပါစေ။

၁၈။ မဂ္ဂပစ္စယော- သတ္တဝါအားလုံး- ဒုဂ္ဂတိဘုံသို့ ရောက်စေတတ်သည့် မကောင်းသော အကုသိုလ် မဂ္ဂင်ခရီး လမ်းကြောင်းကို မလျှောက်ဖြစ်ကြဘဲသုဂတိဘုံ နိဗ္ဗာန်ဘုံတို့ကိုသာရောက်စေနိုင်သော ကောင်းမြတ်သော ကုသိုလ်မဂ္ဂင်လမ်းကြောင်းကိုသာ လျှောက်လှမ်းနို င်ကြပါစေ။

၁၉။ သမ္ပယုတ္တပစ္စယော – သတ္တဝါအားလုံး- မကောင်းသော စိတ် စေတသိက်နာမ်တရားအချင်းချင်းအညီအညွတ် ယှဉ်တွဲပေါင်းစပ်ခြင်းမပြုကြဘဲကောင်းသောစိတ် စေတသိက် နာမ်တရားအချင်းချင်းတို့သာအညီအညွတ် ယှဉ်တွဲပေါင်းစပ်၍ နိဗ္ဗာန်တိုင်ထိ သွားနိုင်ကြပါစေ။

၂၀။ ဝိပ္ပယုတ္တပစ္စယော- သတ္တဝါအားလုံး- အချင်းချင်း အညီအညွတ်မယှဉ်တွဲသောအားဖြင့် ရုပ်နာမ်တရားတို ကျေးဇူးပြုရာ၌မကောင်းသော ရုပ်နာမ်တရားတို မယှဉ်တွဲသောအားဖြင့် ကျေးဇူးမပြုကြဘဲ ကောင်းမြတ်သောနာမ်တရားတို့က ကောင်းမွန်သော ရုပ်တရားတို့ကို၊ကောင်းမွန်သော ရုပ်တရားတို့က ကောင်းမြတ်သောနာမ်တရားတို့ကိုမယှဉ်တွဲသောအားဖြင့် ကျေးဇူးပြုနိုင်ကြ၍ နိဗ္ဗာန်တိုင်ထိ ကောင်းကျိုးအမျိ ုးမျိုးတို့ကိုသာရရှိခံစားနိုင်ကြပါစေ။

၂၁။ အတ္ထိပစ္စယော – သတ္တဝါအားလုံး- မကောင်းသော ရုပ်နာမ်တရားတို့ထင်ရှားစွာ မဖြစ်ပေါ်ကြဘဲ ကောင်းသော ရုပ်နာမ် တရားတို့သာ ထင်ရှားစွာဖြစ်ပေါ်ကြ၍ ကောင်းကျိုးအမျိုးမျိုးတို့သာ နိဗ္ဗာန်တိုင်ထိ တိုးတက်ဖြစ်ထွန်းနိုင်ကြပါစေ။

၂၂။ နတ္ထိပစ္စယော -သတ္တဝါအားလုံး- မကောင်းသော နာမ်တရားတို့ ချုပ်ငြိမ်းသွားခြင်းမရှိတော့ခြင်းဖြင့် ကောင်းသော နာမ်တရားတို့သာ နိဗ္ဗာန်တိုင်ထိ အစားထိုးကာ ဆက်လက်ဖြစ်ပွားနိုင်ကြပါစေ။

၂၃။ ဝိဂတပစ္စယော- သတ္တဝါအားလုံး- မကောင်းသော နာမ်တရားတို့ ကင်းစင်သွားခြင်း၊မရှိတော့ခြင်းဖြင့် ကောင်းသော နာမ်တရားတို့သာ နိဗ္ဗာန်တိုင်ထိ အစားထိုးကာ ဆက်လက်ဖြစ်ပွားနိုင်ကြပါစေ။

၂၄။ အဝိဂတပစ္စည်း- သတ္တဝါအားလုံး- မကောင်းသော ရုပ်နာမ်တရားတို့မကင်းသောအားဖြင့်မဖြစ်ပေါ်ကြဘဲ ကောင်းသော ရုပ်နာမ်တရားတို့သာမကင်းကွာသောအာြး ဖင့် ဖြစ်ပေါ်ကြ၍ ကောင်းကျိုးအမျိုးမျိုးတို့သာ နိဗ္ဗာန်တိုင်ထိ တိုးတက်ဖြစ်ထွန်းနိုင်ကြပါစေ။

(အဘိဓမ္မာနှင့်ဗုဒ္ဓဘာသာ ယဉ်ကျေးမှုသင်တန်း-သာသနာရေးဦးစီးဋ္ဌာနမှ)

_______________________________—

ပဋ္ဌာန်းအကြောင်းသိကောင်းစရာ
✿✿✿✿✿✿✿✿✿✿✿

ယနေ့ ပဋ္ဌာန်းဒေသနာတော်ကို ရွတ်ဆိုနေကြသော
အမျိုးကောင်းသား၊အမျိုးကောင်းသမီး သူတော်စင်များအနေဖြင့်…
၁။ဘာကြောင့်ပဋ္ဌာန်းလို့ခေါ်သလဲ။
၂။ပဋ္ဌာန်းတရားကို ပထမဦးဆုံး ဆင်ခြင်သည့်နေရာ
၃။ပဋ္ဌာန်းတရားကို ဟောကြားခဲ့သော အချိန်
၄။ပဋ္ဌာန်းတရားကို ဟောကြားခဲ့သောနေရာ
၅။ပဋ္ဌာန်းတရားကိုဟောကြားခဲ့သောပုဂ္ဂိုလ်
၆။ပဋ္ဌာန်းတရားကိုဟောကြားခဲ့သော ရည်ရွယ်ချက်
၇။ပဋ္ဌာန်းတရားကိုဟောကြားခဲ့သော ရက်ပေါင်း
၈။ပဋ္ဌာန်းတရားကို ပြန့်ပွားအောင်ဖြန့်ဖြူးခဲ့သော ပုဂ္ဂိုလ်
၉။ပဋ္ဌာန်းတရားကျယ်ဝန်းပုံ
၁၀။ပဋ္ဌာန်းတရားတော်ရွတ်ဆိုရခြင်းကြောင့် ရရှိနိုင်သော
အကျိုးတရားများ၊ဤဆယ်ချက်ကိုအကျဉ်းချုပ်သိထားဖို့လိုပါတယ်။

၁။ဘာကြောင့်ပဋ္ဌာန်းလို့ခေါ်သလဲဆိုရင်

ပဋ္ဌာန်းဆိုတဲ့ ဝေါဟာရသည် ပဋ္ဌာန ဆိုတဲ့ပါဠိကနေ 
ဆင်းသက်လာတာပါ။
ပဋ္ဌာန=အမျိုးမျိုးသော အကြောင်း
ပဋ္ဌာန=ဝေဖန်ခြင်း
ပဋ္ဌာန=ကျက်စားသွားလာရာသို့ ဆိုပြီး
အနက်သုံးမျိုးထွက်ပါတယ်။ထို့ကြောင့်
(က)။အကြောင်းအမျိုးမျိုးကိုဟောတတ်သော
ကြောင့် ပဋ္ဌာန်း။
(ခ)။ကုသိုလ်စသော တရားတို့ကို (၂၄)ပစ္စည်းတို့ဖြင့်
ဝေဖန်ထားသောကြောင့် ပဋ္ဌာန်း။
(ဂ)။သဗ္ဗညုတဥာဏ်၏လွတ်လွတ်လပ်လပ် ကျက်စားသွားလာရာကျမ်းဖြစ်သောကြောင့်
ပဋ္ဌာန်းဟုခေါ်ဆိုခြင်းဖြစ်ပါတယ်။

(၂)။ပထမဆုံး ဆင်ခြင်သည့်နေရာ

ပဋ္ဌာန်းတရားကို မြတ်စွာဘုရား ဘယ်နေရာမှာ
ပထမဦးဆုံး စတင်ဆင်ခြင်ခဲ့သလဲလို့ဆိုတော့ မြတ်စွာဘုရားရှင်သည်
မဟာသက္ကရာဇ် (၁၀၃)ခုနှစ်မှာ
ဘုရားအဖြစ်သို့ ရောက်တော်မူပြီးနောက်
(၂၁)ရက်အလွန် (၂၂)ရက်မှစ၍ ရတနာဃရ
စတုတ္ထသတ္တာဟ၌ စံနေတော်မူခိုက်
အဘိဓမ္မာ(၇)ကျမ်းကို သုံးသပ်ဆင်ခြင်တော်မူပါတယ်။

ရှေ့ခြောက်ကျမ်းကို သုံးသပ်တော်မူပြီးသည့်အထိ
ရောင်ခြည်တော် ခြောက်သွယ် မထွက်ပေါ်မကွန့်မြူးသေးပဲ၊
ပဋ္ဌာန်းဒေသနာတော်ကြီးကို သုံးသပ်ဆင်ခြင်တဲ့ အခါမှသာ ရောင်ခြည်တော်ခြောက်သွယ် ထွက်ပေါ်တော်မူလာတာပါ။(ဥပမာ)ကြီးမားတဲ့ငါးကြီးတွေဟာ ကျဉ်းမြောင်းတဲ့ မြစ်ချောင်း အင်းအိုင်မှာလှုပ်ရှားခွင့်မရဘဲ မဟာသမုဒ္ဒရာကြီးထဲမှာသာ စိတ်ကြိုက်မြူးတူးလှုပ်ရှားခွင့်ရသလို မြတ်စွာဘုရားရှင်၏ သဗ္ဗညုတဥာဏ်တော်ကြီးသည်လည်း
ပဋ္ဌာန်းဒေသနာတော်ကို ဆင်ခြင်သော အခါမှသာ ရောင်ခြည်တော်များ
ထွက်ပေါ်ကွန့်မြူးသည်ထိကျက်စားနိုင်ခဲ့ပါတယ်။

ဒါကြောင့် နေအထောင် လအသောင်းနဲ့နှိုင်းစာလို့မရအောင် ဂုဏ်ရောင်ဆောင်တဲ့ ရောင်ခြည်တော်ခြောက်သွယ်ကို
ထွက်ပေါ်စေတာဟာဖြင့် ဤပဋ္ဌာန်းတရားတော်ကြီး၏
ထူးခြားချက်ပဲဖြစ်ပါတယ်။

ဒီပဋ္ဌာန်း တရားတော်ကြီးကို စတုတ္ထသတ္တာဟ ရတနာဃရ
စံအိမ်တော်မှာ စတင်ဆင်ခြင်ခဲ့တယ်လို့ မှတ်သားထားရပါမယ်။
ယနေ့ ဗုဒ္ဓဘာသာဝင်တို့ တလူလူလွှင့်ထူနေကြတဲ့
သာသနာ့အလံတော်ဟာ ရောင်ခြည်တော်ခြောက်သွယ်ကို အမှတ်အသားပြုထားတဲ့ အလံတော်ဖြစ်ပါတယ်။ဒီသာသနာ့အလံတော်ကိုမြင်တိုင်း ဒီသာသနာ့အလံတော်ကို
အသုံးပြုတိုင်း ပဋ္ဌာန်း တရားတော်ကြီးကို
သတိရနေကြရမှာဖြစ်ပါတယ်။

၃။ဟောကြားခဲ့သောအချိန်

ပဋ္ဌာန်းတရားတော်ကြီးကို ဘယ်အချိန်မှာ
ဘယ်ကာလမှာ ဟောခဲ့ပါသလဲဆိုတော့ မြတ်စွာဘုရားရှင် ၆-ဝါ အလွန်၊
(၇)ဝါအရောက် သက်တော်(၄၂)နှစ်အရွယ်မှာ
ဟောကြားခဲ့တယ်လို့မှတ်သားနိုင်ပါတယ်။

၄။ဟောကြားခဲ့သောနေရာ

~
ပဋ္ဌာန်းတရားတော်ကြီးကို ဘယ်နေရာမှာဟောခဲ့ပါသလဲဆိုရင် မြတ်စွာဘုရားရှင်ဟာ တာဝတိ ံသာနတ်ပြည် ပင်လယ်ကသစ်ပင်အရင်း ပဏ္ဍုကမ္ဗလာကျောက်ဖျာထက်မှာ
ဟောခဲ့ပါတယ်။

၅။ဟောကြားခဲ့သော ပုဂ္ဂိုလ်

ပဋ္ဌာန်းဒေသနာတော်ကြီးကို ဘယ်သူတွေဟောခဲ့သလဲလို့
ဆိုတော့ မြတ်စွာဘုရားရှင်ဟာ နတ်ဗြဟ္မာတို့ကိုဟောကြားခဲ့တယ်လို့သိနိုင်ပါတယ်။

၆။ဟောကြားခဲ့သော ရည်ရွယ်ချက်

~~~~
ပဋ္ဌာန်းတရားတော်ကြီးကို ဘာရည်ရွယ်ချက်နဲ့
ဟောကြားခဲ့ပါသလဲလို့ ဆိုရင် မြတ်စွာဘုရားရှင်ဟာ
မယ်တော်ဖြစ်ခဲ့ဘူးသော သန္တုဿိတနတ်သားကို
အကြောင်းပြု၍ နိုးဖိုးဆပ်တရားအဖြစ် ကျေးဇူးဆပ်လို၍ဟောကြားခဲ့ခြင်းဖြစ်ပါတယ်။

၇။ဟောကြားခဲ့သော ရက်ပေါင်း

ပဋ္ဌာန်းကျမ်းကို ရက်ပေါင်းမည်မျှကြာအောင်
ဟောခဲ့သလဲလို့ဆိုတော့ ရက်အတိအကျမဟုတ်သော်လည်း ခန့်မှန်းတွက်ချက်ကြည့်ချက်အရအဘိဓမ္မာ(၇)ကျမ်းကို
တာဝတိံသာနတ်ပြည်မှာ ရက်ပေါင်း(၉၀)၊(၃)လကြာအောင်ဟောကြား
တော်မူရာ .......
ဓမ္မသင်္ဂဏီ(၁၂)ရက်၊
ဝိဘင်း(၁၂)ရက်၊
ဓာတုကထာ(၆)ရက်၊၊
ပုဂ္ဂလပညတ္တိ(၇)ရက်၊
ကထာဝတ္ထု(၈)ရက်၊
ယမိုက်(၂၀)ရက်၊
ပဋ္ဌာန်းကျမ်း(၂၅)ရက် အသီးသီးဟောခဲ့တယ်လို့ အဆိုရှိပါတယ်။

၈။ပဋ္ဌာန်းတရား ပြန့်ပွားအောင် ဖြန့်ဖြူးပေးခဲ့သော ပုဂ္ဂိုလ်

~~
ပဋ္ဌာန်းတရား ပြန့်ပွားအောင်မည်သူက စတင်ဖြန့်ဖြူးခဲ့ပါသလဲဆိုတော့
ပဋ္ဌာန်းတရားကို မြတ်စွာဘုရားရှင်ကတာဝတိံသာနတ်ပြည်မှာ
နတ်ဗြဟ္မာတို့ကို အကျယ်အားဖြင့်ဟောတော်မူခဲ့ပါတယ်။

အရှင်သာရိပုတ္တရာကိုဟောတော်မူတဲ့အခါ အရှင်သာရိပုတ္တရာသည် မြတ်စွာဘုရားပြီးရင် ပညာအကြီးဆုံး အဂ္ဂသာဝကကြီးဖြစ်တော်မူလို့ အကျဉ်းနည်းနဲ့ဟောတော်မူတာပါ။
ထိုမှတစ်ဆင့် အရှင်သာရိပုတ္တရာက လင်းနို့သားငါးရာဖြစ်ခဲ့ဖူးသော တပည့်ရဟန်းငါးရာကိုမကျဉ်းမကျယ်အလယ်အလတ်နည်းဖြင့်
သင်ကြားပို့ချဟောတော်မူခဲ့ပါတယ်။

ဒါကြောင့်ပဋ္ဌာန်းတရားတော်ကြီးကို ယနေ့ရဟန်း ရှင်လူတို့ နာယူ သင်ကြားပို့ချနေနိုင်ခြင်းမှာ အရှင်သာရိပုတ္တရာကိုယ်တော်မြတ်ကြီး၏
ကျေးဇူးကြောင့်ဆိုတာ သိထားရပါမယ်။
ပဋ္ဌာန်းတရားပြန့်ပွားအောင် အရှင်သာရိပုတ္တရာက စတင်ဖြန့်ဖြူးခဲ့တယ်လို့အသိမှတ်ပြုရမှာ ဖြစ်ပါတယ်။

၉။ပဋ္ဌာန်းတရားကျယ်ဝန်းပုံ

ပဋ္ဌာန်းတရား ဘယ်ပုံကျယ်ဝန်းသလဲဆိုတဲ့ အချက်ကို ပြောကြည့်ရင်
ဒီကမ္ဘာလောကကြီးမှာ အကျယ်ဝန်းဆုံးဖြစ်တဲ့
အရာဌာနကြီး ၄ခုရှိပါတယ်။
အဲဒီ(၄)ခုကဘာလဲလို့ဆိုတော့....

(၁)။သံသာရ သာဂရ=သံသရာပင်လယ်ကြီး။
(၂)။ဇလ သာဂရ=ရေပင်လယ်ကြီး။
(၃)။နယသာဂရ=နည်းပင်လယ်ခေါ်တဲ့ပဋ္ဌာန်းကျမ်းကြီး။
(၄)။ဥာဏသာဂရ=ဥာဏ်ပင်လယ်ကြီးလို့ခေါ်တဲ့ ဘုရားသခင်၏ 
သဗ္ဗညုတ ဥာဏ်တော်ကြီး။

ဒီသာဂရ (၄)မျိုးတို့တွင် ပဋ္ဌာန်းကျမ်းကြီးက
အလွန်ကျယ်ဝန်းလှတဲ့ နယသာဂရကြီးအဖြစ်
မှတ်တမ်းတင်ခြင်းခံရပါတယ်။ဒါကြောင့် အနန္တနယသမန္တပဋ္ဌာန်းကျမ်းကြီးလို့ခေါ်ဆိုကြတာပါ။

ပဋ္ဌာန်းကျမ်းကြီးရဲ့ကျယ်ဝန်းပုံကတော့ ပဋ္ဌာန်းပါဠိတော်သည် ဆဋ္ဌသံဂါယနာတင်ပါဠိတော်အုပ်ရေအားဖြင့် (၅)အုပ်ရှိပြီး 
စာမျက်နှာပေါင်း(၂၆၄၀)တိတိရှိပါတယ်။
အသံမစဲ မနားတမ်းရွတ်ဖတ်သွားမယ်ဆိုရင် နာရီပေါင်း(၁၃၂)နာရီ
ရွတ်ဖတ်ရပါမယ်။ပေယျာလ(မြှုပ်ကွက်)တွေကိုဖော်ပြီးရွတ်မယ်ဆိုရင် တစ်သက်လုံးရွတ်ဖတ်လို့မကုန်နိုင်လောက်
အောင်များတယ်လို့ဆိုပါတယ်။ သာမန်သူလို ကိုယ်လို ပုဂ္ဂိုလ်မျိုးကို
မဆိုထားဘိ၊ဂါထာပေါင်း တစ်သောင်းငါးထောင်၊ပုဒ်ပေါင်းခြောက်
သောင်းကို ခဏချင်းသင်ယူနိုင်သော အရှင်အာနန္ဒာ မိုးသီးမိုးပေါက်ကိုပင်တစ်လုံး ချင်းရေတွက်နိုင်သောအရှင်
သာရိပုတ္တရာသော်မှ ဤပဋ္ဌာန်းဒေသနာတော်ကို မြတ်စွာဘုရားဟောသည့်အတိုင်း အပြည့်အစုံရွတ်ဆိုဖို့မလွယ်ကူပါ။

ပဋ္ဌာန်းကျမ်းတော်ကြီးမှာ ပါဠိအနေအားဖြင့် အနန္တ အပရိမာဏ အဆုံးအပိုင်းခြားမရှိအောင် ကျယ်ဝန်းလှသောကျမ်းကြီးဖြစ်၍
ထိုကျမ်းကြီး၏ ပုဒ်အစဉ်နှင့်အနက်အဓိပ္ပါယ်ကို ပြည့်ပြည့်စုံစုံတစ်စုံတစ်ယောက်က ဖွင့်ပြမည်ဟု ကြိုးစားခဲ့လျှင် အသက်သာကုန်ဖွယ်ရာရှိပါတယ်။ပဋ္ဌာန်းကျမ်း
ကြီးကတော့ ကုန်နိုင်မည်မဟုတ်ဟု ဥဒါန်းစကားပင်ရှိနေပါတယ်။
ဒါဖြင့်ရင် ဤမျှလောက်ကျယ်ဝန်းတဲ့ ပဋ္ဌာန်းကျမ်းကြီးကို မြတ်စွာဘုရားရှင်(၂၅)ရက်အတွင်းပြီးစီးအောင်
ဟောတော်မူနိုင်ခြင်းနှင့်ပတ်သတ်ပြီး မြတ်စွာဘုရားစကားတော် လျင်မြန်ပုံအကြောင်းကိုသိထားရပါမည်။

(က)။ပကတိသာမန်လူသားများ စကားတစ်ခွန်းပြောတဲ့အချိန်မှာ အရှင်အာနန္ဒာက (၈)ခွန်းထိပြီးစီးအောင်ပြောနိုင်ပါတယ်။
(ခ)။အရှင်အာနန္ဒာက စကားတစ်ခွန်းပြောဆိုတဲ့အချိန်မှာ

မြတ်စွာဘုရားရှင်က (၁၆)ခွန်းထိပြောဆိုနိုင်ပါတယ်။

(ဂ)။ပကတိသာမန်လူတစ်ယောက်စကားတစ်ခွန်းပြောဆိုချိန်မှာ မြတ်စွာဘုရားရှင်က (၁၂၈)ခွန်းပြီးအောင်ပြောဆိုနိုင်တာကြောင့် ဟောကြားနိုင်ခဲ့တယ်လို့သိရပါတယ်။
မြတ်စွာဘုရားရှင်ဤမျှလောက်စကားတော်လျင်မြန်ရခြင်းကလည်း ဘဝပေါင်းများစွာပါရမီတော်တွေကိုဖြည့်ကျင့်ခဲ့တဲ့ပါရမီတော်တွေ
ွကြောင့်လည်းကောင်း၊သဗ္ဗညုတဥာဏ်တော်ကြောင့်လည်းကောင်းစတဲ့
အချက်တွေကြောင့် စကားတော်လျင်မြန်ရခြင်းအကြောင်း
တရားလေးပါးရှိပါတယ်။

၁။ဇိဝှါမုဒု=လျှာတော်၏ကျယ်ပြန့်ပါးလျနူးညံ့ခြင်း
၂။ဒန္တဝရဏံ သုဖုသိတံ=နှုတ်ခမ်းတော် စေ့စပ်ထိမိခြင်း။
၃။ဝစနံ အဂနိတံ=ပြောရာ ဟောရာ အခါ၌ လုံးကြွင်းလုံးကျ အထစ်အငေါ့မရှိခြင်း။
၄။ဘဝင်္ဂပရိသောလဟုကော=ဘဝင်စိတ်
အယဉ်လျင်မြန်ခြင်းတို့ကြောင့်ဖြစ်ပါတယ်။

၁၀။ ပဋ္ဌာန်းရွတ်ဆိုခြင်းကြောင့်ရနိုင်သောအကျိုးတရားများ

~~~~
ပဋ္ဌာန်းတရားတော်များကို ရွတ်ဆိုပူဇော်ခြင်း၊သင်ကြားနာယူခြင်း၏အကျိုးတရားများမှာ..

(၁)။လင်းနို့သားဖြစ်ခဲ့ဖူးသော ရဟန်းတော်များကဲ့သို့
ရုပ်နာမ် ဓမ္မ ခန္ဓာစဉ် သဘာဝပိုင်းခြား ဝေဖန်တတ်သော
နာမရူပ ပရိစ္ဆေဒဥာဏ်ရင့်သန်စေခြင်းဟူသော
ပထမအကျိုးတရား။

(၂)။မဂ်၊ဖိုလ်နိဗ္ဗာန် ရောက်ရာလမ်းကြောင်း အထောက်အပံ့ကောင်း ဖြစ်နိုင်ခြင်းဟူသော ဒုတိယအကျိုးတရား။
(၃)။ဘေးဥပါဒ် အန္တရာယ် ရန်အသွယ်သွယ်တို့မှ ကင်းဝေး၍ ကိုယ်စိတ်နှစ်ဖြာချမ်းသာအေးမြခြင်းဟူသော တတိယအကျိုးတရား။

(၄)။ကျက်သရေမင်္ဂလာအဖြာဖြာတို့နှင့်ပြည့်စုံခြင်းဟူသော
စတုတ္ထအကျိုးတရား များရရှိနိုင်ပါတယ်။ပဋ္ဌာန်းရွတ်ဆို ပွားများခြင်းသည်ဓမ္မဒေသနာကုသိုလ်ဖြစ်ရုံမက သာသနဓမ္မာနုရက္ခိတသာသနာတော်၏ တရားတော်ကို
လူ့နှလုံးသားထဲမှာ စောင့်ရှောက်ထိန်းသိမ်းခိုင်မြဲအောင်
ပြုလုပ်ရာရောက်လို့ ကုသိုလ်ထူးများ အကျိုးတရားထူးများ
ရနိုင်ပါတယ်။

အဘိဓမ္မာပြန့်ပွားရေးအသင်းများ၊အဘိဓမ္မာစာမေးပွဲများ၊
အဘိဓမ္မာသင်တန်းများ၊ပဋ္ဌာန်းသင်တန်းများ၊
အသံမစဲပဋ္ဌာန်းပူဇော်ပွဲများကိုလုပ်ကိုင်ဆောင်ရွတ်နေကြတာဟာဖြင့် ဗုဒ္ဓမြတ်စွာသာသနာတော်ကြီးအတွက် အလွန်ဂုဏ်ယူစရာကောင်းတဲ့လုပ်ရပ်တွေပဲ
ဖြစ်ပါတယ်။

ထို့ကြောင့်မိမိတို့အနေနဲ့ အဘိဓမ္မာပဋ္ဌာန်းတရားတော်များကို တိုးတက်သည်ထက်တိုးတက်အောင် ပြန့်ပွားသည်ထက်
ပြန့်ပွားအောင်အကုသိုလ်စိတ်ကင်းရှင်းစွာဖြင့် စိတ်ဓာတ်ကို ကြည်ကြည်လင်လင်ထားရှိပြီး ပဋ္ဌာန်းတရားတော်ကြီးကိုရွတ်ဖတ်ကြပါ။
နာယူကြပါ။ သင်ယူကြပါလို့နှိုးဆော်သမှုပြုလိုက်ရပါသည်။

                    ဓမ္မစကူးလ်ဆုံရာ
               🎆🎆🎆🎆🎆🎆🎆

Credit. ; ဒေါက်တာအရှင်ကောဝိဒါစာရ၏
ပဋ္ဌာန်းအကြောင်းစာအုပ်မှ-ဓမ္မဒါနပူဇော်ပါသည်….###ဓမ္မအသိဖြင့်အကျိုးရှိရှိနေမည်###

`ဓမ္မကို လေးစားပါ´
❇️❇️❇️❇️❇️❇️

မြတ်စွာဘုရား …
ဘုရားဖြစ်ပြီး ( ၁၁ ) နှစ်မြောက်မှာ
မြို့ကို ဒေသစာရီ ကြွတဲ့အခါ
အဲဒီမြို့ကလူတွေ ဘုရားဆီ လာကြတယ်

ဘုရားဆီ လာတဲ့ ပရိတ်သတ်ထဲမှာ
တချို့ လက်အုပ်လေး ချီပြီး´ ရိုရိုသေသေ လာကြတဲ့ သူတွေ ပါသလို ဘာမှ မသိနားမလည် သူတွေလည်း ပါတယ်´

´တချို့ အခွင့်အရေး လိုချင်တဲ့
ပုဂ္ဂိုလ်တွေလည်း ပါတယ်´
အဲဒီထဲမှာ ထင်ရှားကျော်ကြားတဲ့
ပုဏ္ဏားကြီး တစ်ယောက်လည်း ပါတယ်

သူက ပစ္စည်းဥစ္စာ ပြည့်စုံပြီး
လူသိများ ထင်ရှားတော့
မြတ်စွာဘုရားကို မရှိခိုးဘူး။
ဘုရားက
ငယ်ငယ်ရွယ်ရွယ်ပဲ ရှိသေးတယ်
ကျန်တဲ့ သူတွေက
အချင်းချင်း လက်အုပ်ချီကြတယ်´ အရိုသေ ပေးကြတယ်´
`အချင်းချင်း နှုတ်ဆက်ကြတယ်´

ပုဏ္ဏားကြီးက အရှိခိုး ခံချင်တယ်
ဘုရားက သူ့ကို ရှိမခိုးဘူး
အဲဒီတော့ သူက –

ရဟန်းဂေါတမ
ကိုယ့်ထက် အသက်ကြီးတဲ့ ပုဂ္ဂိုလ်တွေကို
ရှိမခိုးဘူး ဆိုတာ တကယ်ပဲကိုး

`အရင်က သတင်းပဲ ကြားတယ်´
ကိုယ့်ထက်ကြီးတဲ့ ပုဂ္ဂိုလ်တွေကို
လေးစားမှု ၊ ရိုသေမှု မရှိဘူးကိုး
အဲဒါ လောကကျင့်ဝတ်နဲ့ မပြည့်စုံပါဘူး

လူဆိုတာ
ကိုယ့်ထက်ကြီးတဲ့ သူကို ရိုသေရတယ်

ဒီအခါ ဘုရားက
လောကမှာ ငါ ရှိခိုးပြီးတော့ ခရီးကြိုဖို့၊
လက်အုပ်ချီဖို့၊ နေရာနဲ့ ဖိတ်ကြားထိုက်တဲ့
ပုဂ္ဂိုလ်မျိုး ငါမမြင်ဖူးဘူး တဲ့

`မမြင်လို့ မရှိခိုးတာ´

ဟိုလူ ကြည့်လည်း
လောဘနဲ့ ၊ ဒေါသနဲ့ ၊ မာန်မာနနဲ့

ဒီလူ ကြည့်လည်း
လောဘနဲ့ ၊ ဒေါသနဲ့ ၊ မယားနဲ့ ၊ သားနဲ့
ဘယ်လိုလုပ် ရှိခိုးမှာလဲ ?

`သီလချင်း ယှဉ်လိုက်ရင်လည်း
ကိုယ့်သီလ အဆင့်မမီဘူး´

သမာဓိချင်း ယှဉ်လိုက်ရင်လည်း
မြတ်စွာဘုရားရဲ့ သမာဓိမျိုး တစ်ခုမှ မရှိဘူး

`ပညာချင်း ယှဉ်လိုက်ရင်လည်း
အလှမ်း ကွာတယ် ´

အဲဒီတော့ …

သီလဂုဏ် ၊ သမာဓိဂုဏ် ၊ ပညာဂုဏ် ဆိုတဲ့
အရည်အချင်း တွေနဲ့မှ လေးစားရမှာ ဖြစ်တဲ့
အတွက်ကြောင့် အသက်ကြီးတာလေး
တစ်ခုတည်းနဲ့ လေးစားထိုက်တယ်
မဆိုနိုင်ဘူး

အသက်ကြီးပေမယ့်
ငါ့ထက် အသက်သိက္ခာဂုဏ်ဝါ
ကြီးမားတဲ့ ပုဂ္ဂိုလ် ငါမမြင်ဘူး

`ဒါကြောင့် ငါ ရှိမခိုးတာ´

အကယ်၍
ငါက အဲဒီပုဂ္ဂိုလ်ကို
အရိုအသေပေးမယ် ဆိုရင်

အဲဒီပုဂ္ဂိုလ်ဟာ
ငါ့ရဲ့ အရိုအသေပေးမှု
လေးစားမှုကို မခံနိုင်တဲ့ အတွက်
ဦးခေါင်း ပြတ်ကျနိုင်တယ်
ခံနိုင်ရည် မရှိဘူး လို့
အဲလို ပြန်ပြောတယ်နော်

မြတ်စွာဘုရားက
ဒါ မရှိခိုးချင်လို့ မဟုတ်ဘူး
ဘုရားဖြစ်ပြီးကာစ စဉ်းစားဖူးတယ်

လောကကြီးမှာ
လေးစားစရာ ၊ မှီခိုစရာ မရှိပဲနေတာ
မကောင်းဘူးဘယ်သူ့ကို လေးစားရမလဲရှာမယ််််

လောကကြီးကို ကြည့်လိုက်တယ်

သီလ´သမာဓိ´ `ပညာ´အားဖြင့်
လေးစားထိုက်တဲ့ ပုဂ္ဂိုလ်ရှိလား ?
ကြည့်လိုက်တဲ့ အခါ –

ကောင်းကင်ပေါ်က ဗြဟ္မာကြီးတွေက အစ
မြတ်စွာဘုရားရဲ့ အရည်အချင်းမျိုး
တစ်စက်မှ မရှိဘူး

အဲဒီတော့ မြတ်စွာဘုရားက

ဒီလိုဆို ငါလေးစားရမယ့် အရာဟာ
ပုဂ္ဂိုလ်အနေနဲ့ မရှိဘူး
ဒါဆို ဘာကို လေးစားမလဲ ?

ငါသိတဲ့
ဓမ္မ´ကိုပဲ အလေးပြုပြီး နေမယ် ဆိုပြီး ဓမ္မ´ ကိုပဲ အလေးပြု ပြီးတော့ နေတယ်

ဒါကြောင့် . . .
ဘုရားက လေးစားတဲ့ အရာဟာ
` ဓမ္မ ´ ပါပဲ

ဒါကြောင့်မို့
` ဓမ္မ ´ ကို ဘယ်တော့ မဆို
လေးလေးစားစား ပြောတယ် …

ဓမ္မကို မြင်မှ ငါ့ကို မြင်မယ်´ ဓမ္မကို တွေ့မှ ငါ့ကို တွေ့မယ်´လို့ ပြောခဲ့တယ်

ဒါ ဓမ္မကို
ဦးစားပေးပြောတဲ့ စကားလုံး တစ်ခုပဲ

ငါ မရှိတဲ့နောက်
ငါဟောခဲ့တဲ့ ဓမ္မ´ ငါ ပညတ်ခဲ့တဲ့ ဝိနယ´ဟာ
သင်တို့ရဲ့ ဆရာ ဖြစ်လိမ့်မယ် ဆိုတာ

ဓမ္မ ကို ဘုရားရဲ့ ရာထူးကို ဆက်ခံဖို့
ဓမ္မကို ထားခဲ့တာ
ဒီလို အဓိပ္ပါယ် ယူလို့ ရပါတယ်

ပါချုပ် ဆရာတော် ဘုရားကြီး
`ကျန်းမာပါစေ ၊ ချမ်းသာပါစေ´

Credit : Original Uploader

𝓓𝓱𝓪𝓶𝓶𝓪𝓮𝓲𝓪𝔂𝓪𝓽𝓱𝓪𝓻